Бахтинг кулиб сени кутганда, Уни излаб, ўзинг топганда. Шул дам эсла, эслагин мени. Олқишлар ёғилганида, Кўнглинг шунда илинганида, Шул дам эсла, эслагин мени.
Ўзга қўллар қучоқлаганда, Азиз дўстлар алқаб турганда Дилда севинч, шодлик тўлганда Барибир бўб кўнглинг олганда –
Дўстлар қанча яқин бўлса ҳам, Қувонч қанча бисёр бўлса ҳам, Шул дам эсла, эслагин мени.
Кеч пайт сайрга чиққан чоғингда, Юлдуз чиқиб, сенга боққанда, Шул он эсла, эслагин мени.
Уйга қайтар ўшал онингда Ошиқ юлдуз ял-ял ёнганда. Шул он эсла, эслагин мени.
Ёз кунлари кетиб бўлганда, Атиргулга кўзинг тушганда, Маъюс, сўлғин юзин кўрганда, Ўшал дамлар ёдга тушганда.
Гулни севиб ардоқлаганни, Сен ҳам сев деб такрорлаганни. Шул он эсла, эслагин мени.
Кузда борлиқ хира тортганда, Барглар хазон бўлиб ётганда, Шул дам эсла, эслагин мени.
Тун эшикдан мўралаганда, Дил оромим ўғирлаганда. Шул дам эсла, эслагин мени.
Мунгли наво қалбинг чертганда, Хаёлингни олиб қочганда, Кўнглинг вайрон бўлиб турганда, Бир томчи ёш кўздан томганда –
Созин чертиб қўшиқ айтганни Эслагин деб ўтиб кетганни, Ҳар он эсла эслагин мени.
|