Кимлиги кўринар кулфат келганда, Хасталик бутун бир халқни енгганда, Халқим деёлмасдан халқум деганда, Ўзбекни ҳаққини ўзбек еганда.
Кўрдим хорижларда хордир қанчаси, Ўзин маҳсулига етмас ақчаси, Инсондан қимматроқ темир парчаси, Ўзбекни ҳаққини ўзбек еганда.
Гўдаклар ҳазондек сўлса нимадир, Юзтами ё мингги ўлса нимадир, Кимнидир чўнтаги тўлса нимадир, Ўзбекни ҳаққини ўзбек еганда.
Кимга нима қанча она бўзласа, Халқни ярасини тирнаб тузласа, Хаттоки вабодан фойда кўзласа, Ўзбекни ҳаққини ўзбек еганда.
Қўйгил хомҳаёлни ортиқ ўйлама, Беҳуда сўзларни айтиб сўйлама, Жаҳонга чиқгум деб бекор бўйлама, Ўзбекни ҳаққини ўзбек еганда.
|