Tong otmasdan bezovta xo'roz:
"Zulmat icra qolmasin jahon!"
Sho'rlik mas'ul yangi kun ucun.

***
Sen menga hech do'st bo'lolmaysan,
Ayt-chi, qachon, qanday chumoli
Ko'tarolgan filning yukini.

***

Men chivinga hech kim emasman,
Qonim ichdi o'zi, ne iloj?
Qondoshingni o'ldirib bo'lmas.

***

Igna bilan quduq qazidim...
hanuzgacha yamab bo'lardim
Dunyo degan juldur cho'ponni.

***

Boyo'g'lining to'yiga atay
Yetib keldi uzoq yurtidan
Kalxatniso o'limtik olib.

***

Qirq tovug'in boqaman, deya
Go'ng titkilar kechayu kunduz
Bir nodon xo'roz.

***
Tulki-ku tumshug'idan ilinar, shaksiz.
Bo'rining og'zi qon, yesa-yemasa.
Tegirmondan butun chiqar bu Odam!

***
Yangi yilda
Eski do'stim-la
Chala qolgan gapdan gaplashdik.

***
Ey, sen Jo'ja,
Kalima qaytar.
Pichog'ini qayrab bo'ldi kuz.

***
Sen ham juda toza emassan,
Xojang shuncha yalagan bilan,
Itning yalog'i.

***
Tariq ekdim chumchuqdan qo'rqmay.
Qo'rquvlarim tariqdek sochdim,
To'ying endi, nokaslar.

***

So'zga chiqdi so'zamol to'ti,
Bulbul bo'ldi, sayradi, chunon,
Ammo ismi hamon To'tixon.

***

To'g'ri, dilim chil-parchin bo'ldi,
Ammo, uzr, uxlab qolibman
Bardoshimga boshimni qo'yib.