Суббота, 2019-11-16, 2:38 AM
www.Zamonaviy.CoM
Приветствую Вас Гость

Меню сайта
Наш опрос
Оцените мой сайт
Всего ответов: 729
Статистика



Онлайн всего: 57
Гостей: 57
Пользователей: 0
Главная » FAQ [ Добавить вопрос ]


Япониялик олимлар томонидан ўтказилган тадқиқотлар натижаларига кўра, аёл кишининг қон гуруҳи унинг феъл-атвори ва ўзига хос хусусиятларини билишга ёрдам берар экан. Бу фикр қанчалик ҳақиқатга мос эканлигини улар тақдим этган қуйидаги маълумотлар асосида ўзингизнинг қон гуруҳингиз ва хусусиятларингиз мисолида таққослаб кўринг…

I ҚОН ГУРУҲИ

Бу қон гуруҳига эга бўлган қизлар, аёллар ҳамма жойда етакчилик қилишни яхши кўрадилар ва ушбу мақсад сари олға интиладилар. Улар ўзларининг билим ва кучига ишонади. Шу билан бирга, ушбу қон гуруҳига эга бўлган қизлар эҳтиросга берилувчан ва рашкчи бўладилар.

II ҚОН ГУРУҲИ

Ушбу қон гуруҳи эгалари эса, уйғунликни, тинчлик ва тартибни хуш кўрадилар. Улар атрофдагилар билан жуда хушмуомала бўлишлари билан бирга, таъсирчан ва кези келганда инжиқ, ўзгарувчан табиатга эга бўладилар.

III ҚОН ГУРУҲИ

Бу қон гуруҳи вакиллари ўзига хос феъл-атворга эга, ўзлари истаганидек иш тутишни яхши кўрадилар. Ҳар қандай шароитга тез кўникадилар. Кечиришга интиладилар. Аммо интилиш ва саъй-ҳаракатлари ҳар доим ҳам ижобий натижа беравермайди.

IV ҚОН ГУРУҲИ

Ушбу қон гуруҳига эга қизлар, аёллар оғир-босиқ ва ҳақиқатгўй бўладилар. Шунга қарамай яқинлари, дугоналари улар билан вақт ўтказишни яхши кўрадилар. Чунки улар хушмуомала бўлиш билан бирга, қатъий, яқинларига тўғри ва самимий маслаҳатлар бера оладилар.

Саволларга «Ҳа» ёки «Йўқ» деб жавоб беринг:

1. Қайтадан туғилишни ва ҳамма нарсани бошидан бошлашни хоҳлайсизми?

Ҳа – 4, Йўқ – 16 балл.

2. Машғул бўлиш учун ҳар доим вақт ажратадиган юмушингиз борми?

Ҳа – 18, Йўқ – 5 балл.

3. Ишингиз юришмаса, «Бу ҳолат фақат мен билан юз бериши мумкин», деб ўйлайсизми?

Ҳа – 6, Йўқ – 12 балл.

4. Кимнингдир сизга ҳавас қилишини билсангиз, хурсанд бўласизми?

Ҳа – 16, Йўқ – 2 балл.

5. Сизни эзма одам деганларини эшитиб қолсангиз, ҳафа бўласизми?

Ҳа – 3, Йўқ – 12 балл.

6. Дўстларингизнинг иши ҳам сизникидек юришмаса(бу ҳол фақат менда эмас экан, деб) хотиржам бўласизми?

Ҳа – 18, Йўқ – 5 балл.

7. Қандайдир иш сизсиз ҳам яхши кетаётганини билсангиз, хавотирга туша бошлайсизми?

Ҳа – 2, Йўқ – 16 балл.

8. Лотереяда катта пул ютиш хоҳиши хаёлингиздан тез-тез ўтиб турадими?

Ҳа – 4, Йўқ – 20 балл.

9. Қариндошларингиз ёки танишларингиз каттароқ нарса (компьютер, телевизор, мебел ва ҳ.к.) харид қилишса ҳасад қиласизми?

Ҳа – 1, Йўқ – 12 балл.

10. Фикрингизни атрофингиздагиларга айтишни яхши кўрасизми?

Ҳа – 16, Йўқ – 3 балл.

Энди натижаларни таҳлил қиламиз: 120 баллдан кўп. Сиз ўзингиздан ниҳоятда мамнунсиз. Ўзингизни танқид қилишни ҳам, ўзгалар танқидини ҳам ёмон кўрасиз. Лекин баъзида яқинларингизнинг соғлом танқиди сизга фойда келтириши мумкин эканлигини унутманг.

60-120 балл. Сиз ўз кучингизга керагича ишонасиз, лекин ўзингиздан унчалик мамнун эмассиз. Камдан кам ҳолларда қилаётган ишингиздан (гарчи бу ишингиз яхши бажарилган бўлса ҳам) қониқасиз.

60 балдан кам. Ўзингиздан умуман, мамнун эмассиз. Бирор ишни бошлаб, ўзингизга ишонмаганингиз учун бу ишни ярим йўлда ташлаб кетишингиз мумкин. Бундан ташқари, ўзингизни қўлга олиб, вазиятни тўғри баҳолай олмайсиз. Атрофга бир назар ташланг. Ахир сизнинг бошқалардан ҳеч кам жойингиз йўқ. Ўзингизга ва яқинларингизга ишонинг ва бу келажакда, албатта, ўз мевасини беради.


Олимларнинг фикрича, инсоннинг феъл-атворини, унинг қандай рангдаги гулларни ёқтиришига қараб, билиб олса бўларкан. Келинг, бу қанчалик ҳақиқатга яқинлигини ўзимизда синаб кўрайлик.

Оқ рангдаги гулларни ёқтирувчилар табиатан самимий, меҳрибон, оқкўнгил бўладилар. Бироз хаёлпарастлиги учун, кўпроқ ақлга эмас, ҳис-туйғуларига таяниб иш тутадилар, уларнинг ишонувчанлиги ҳаётда кўп бор панд беради.

Қизил рангдаги гулларни ёқтирувчилар инжиқ, рашкчи, талабчан бўладилар. Улар доимо ўзларини биринчи ўринга қўядилар. Айбдор бўлсалар ҳам ҳеч қачон буни тан олмайдилар ва ўз олдиларига қўйган мақсадларига эришмагунича, қатъий ҳаракат қиладилар.

Сариқ рангдаги гулларни ёқтирувчилар ҳаракатчан, тиришқоқ ва бироз тортинчоқ бўладилар. Улар кўпроқ ёлғиз қолишни хуш кўрадилар, лекин севги бобида эса беқарордирлар.

Пушти рангдаги гулларни хуш кўрувчилар эса жуда жиддий кўринсалар-да, оилада, дўстлар даврасида самимий бўладилар. Улар доимо, ҳар қандай вазиятдан осонгина чиқиб кета оладилар ва ўзига жуда ишонадилар.


Бошқаларнинг фикрига қулоқ соласизми ёки ўзингизнинг фикрингиз барча нарсадан устунроқми? Қуйидаги тест сизнинг қай даражада сабр-бардошли эканлигингизни аниқлашга ёрдам беради. Марҳамат ўзингизни синаб кўринг.

1. Сизда қизиқарли ғоя пайдо бўлди деб ҳисоблаяпсиз. Аммо уни ҳеч ким қўллаб-қувватламади. Жаҳлингиз чиқадими?

а). Ҳа; б). Йўқ.


2. Дўстларингиз билан учрашдингиз, кимдир ўйин бошлашни таклиф қилди. Сиз қуйидагилардан қайси таклифни маъқуллайсиз:

а). Фақат яхши ўйинчилар иштирок этсин;

б). Ўйин қоидасини билмайдиганлар ҳам ўйнайверсин.


3. Нохуш хабарни тинч қабул қиласизми?

а). Ҳа; б). Йўқ.


4. Жамоат жойларига маст бўлиб келувчи одамлар жаҳлингизни чиқарадими?

а). Ҳа; б). Йўқ.


5. Сизникидан фарқ қилувчи касбдаги, шароитдаги одам билан осон мулоқот ўрната оласизми?

а). Бу анча мураккаб кечади;

б). Мен бундай нарсаларга аҳамият бермайман.


6. Сизга ҳазил қилишса нима қиласиз?

а). Менга ҳазил ҳам, ҳазилкаш ҳам ёқмайди;

б). Ҳазил менга ёқмаса ҳам унга муносиб жавоб беришга ҳаракат қиламан.


7. Кўпчилик одамлар ҳақида айтилган «бировнинг ўрнида ўтирибди», «ўз ишини қилмаяпти» деган фикрларга қўшиласизми?

а). Ҳа; б). Йўқ.


8. Дўстларингиз даврасига ўз дўстингиз (дугонангиз) билан келдингиз ва у ҳамманинг эътиборига тушди. Сиз қандай ҳолатга тушасиз?

а). Эътибор мендан четлашганидан норози бўламан;

б). Мен бундан хурсанд бўламан.


9. Кекса ёшдагилар билан суҳбат чоғида ёш авлодни танқид қилишса, уларга сизнинг жавобингиз қандай?

а). Бу мунозарага аралашмайман;

б). Буни тушунтиришга ҳаракат қиламан.


1-б, 2-б, 3-б, 4-а, 5-б, 6-б, 7-б, 8-б, 9-а жавоблари учун 2 баллдан берилади.


Қолганлари учун эса 0 балл. Шунга қараб ҳисоблаб чиқинг.


ЖАВОБЛАР


0 дан 4 баллгача. Сиз бўйсунмас ва ўжарсиз. Қаерда бўлманг, ўз фикрингизни маъқуллатишга ҳаракат қилаётгандек тасаввур уйғотасиз. Мақсадингизга эришиш учун тез-тез овозингизни баланд-латасиз. Бу характерингиз билан сиз каби фикрлай олмайдиган ва сиздек ҳаракат қилмаётган одамлар билан муроса қилишингиз қийин.


4-12 балл. Ўз эътиқодларингизни қаттиқ ҳимоя қилишга қодирсиз. Аммо шубҳасиз, суҳбат қуриб, зарурат бўлса ўз фикрингизни ўзгартириб оласиз. Баъзан ортиқча кескинлик, суҳбатдошингизга нисбатан ҳурматсизлик қилишингиз мумкин. Шундай вақтларда кучсиз характерли одамлар билан кечадиган баҳсларда устунликка эришасиз. Бундай йўл тутиш ҳар доим ҳам ҳурмат келтирмайди.


13-18 балл. Эътиқодларингиз барқарорлиги ўткир ақлингизга жуда муносиб. Сиз ҳар қандай ғояни тинглашингиз, бир қарашда бемаъни хулқ-атворни тушунишингиз мумкин. Ўз фикрларингизга танқидий муносабатдасиз ва суҳбатдошингизнинг хато фикрларига қўшилмаслигингизни ҳурмат билан билдира оласиз.


Турмуш муносабатларида баъзан кўнгилсиз ҳолатлар ва муаммоларга дуч келамиз. Бунинг сабаби, албатта, оддийгина тушунмовчиликдан келиб чиқади. Оилада эр-хотин бир-бирларини тушуна олсагина, тинч ва осойишталикка эришиш мумкин. Сиз турмуш ўртоғингизни қай даражада тушуна оламан, деб ўйлайсиз? Қуйидаги тест бу саволга жавоб топишингизга ёрдам беради. Бунинг учун иккингиз ҳам жавоб беришингиз талаб этилади.

1. Сиз жуфтингиз билан ҳамиша жиддий муносабатда бўласизми?

а) Ҳа – 1;

б) Бунга умуман эҳтиёж йўқ – 0;

в) Гоҳи-гоҳида -2.

2. Шахсий ва бирдан жавоб бериш қийин бўлган саволингизга дарҳол жавоб талаб қила оласизми?

а) Ҳа – 0;

б) Пайтини пойлаб, савол бераман – 1;

в) Йўқ – 2.

3. Сизнингча, у шахсий сирларини сиздан яширадими?

а) Ҳа – 1;

в) Билмадим – 2;

в) Барибир хабардор бўламан – 0.

4. Ҳар қандай вақт ва шароитда ҳам у билан суҳбатлашаверасизми?

а) Ҳа – 0;

б) Шароитга қараб иш

тутаман – 1;

в) Йўқ, бунга унинг бўш вақти йўқ ҳисоби – 2.

5. Ўзаро суҳбатда одоб қоидаларига риоя қиласизми?

а) Ҳа – 1;

б) Йўқ, ўйламай гапираверамиз – 2;

в) Баъзан бўлиб туради – 0.

6. Унга муаммоларингизни айтсангиз, у…

а) Сизни тушунмайди – 2;

б) Иши ҳам бўлмайди – 1;

в) Доим ёрдамга тайёр – 0.

7. Бирор масала борасида ўзаро маслаҳат қиласизми?

а) Баъзан – 2;

б) Кўпинча бирор тўхтамга кела олмаймиз – 1;

в) бошқа биров мени яхшироқ тушунган бўларди, дейсиз – 0.

8. Баъзан бегоналар турмуш ўртоғингизга қараганда сизни яхшироқ тушунадими?

а) Ҳа, баъзан бўлиб туради – 1;

б) Йўқ, мен турмуш ўртоғимга ишонаман – 1;

в) Менга бегоналар афзалроқ – 2.

9. Турмуш ўртоғингиз гапириб турибди, аммо хаёлингиз бошқа жойда…

а) Шунақаси ҳам бўлиб туради – 2;

б) Йўқ. Уни доим эътибор билан тинглайман – 0;

в) Фикримни жамлаб, уни тинглашга ҳаракат қиламан – 1.

10. У билан суҳбатда доим устун бўлишга интиласизми?

а) Албатта – 2;

б) Йўқ, кўпроқ уни

тинглайман – 0;

в) Иккимиз ҳам баробар гапирамиз – 1.

Балларингизни ҳисобланг ва натижани текширинг.

0-10 балл: Оилангизда муаммолар бамаслаҳат ҳал қилинади. Сиз доим жуфтингиз билан маслаҳатлашасиз. Биргаликда ҳар қандай муаммога жавоб топасиз. Кўпчилик сизга ҳавас қилади.

11-29 бал: Турмуш ўртоғингизга ишонасиз, аммо ҳамма сирингизни ҳам айтавермайсиз. Муаммоларни биргаликда ҳал қилишингиз мумкин. Аммо аксига олиб, кўпинча бунинг тескариси бўлади. Ўзаро ишончсизлик шундай оқибатга олиб келади. Шунинг учун ҳам аксарият ҳолларда бир бирингизни тушунишга интилишингиз мақсадга мувофиқ.

1. Эркакларнинг қайси фазилатларини ҳурмат қиласиз? (иккитасини танланг).

а) шуҳратпарастлик – 2;

б) мардлик – 3;

в) меҳрибонлик – 1;

г) эътиборлилик – 1;

д) маданиятлилик – 2;

е) ташқи кўриниши – 3.

2. Эркаклар сизнингча –

а) нима деб гапиришни биладилар – 5;

б) аёллардан яхшилар – 1;

в) айтиш қийин – 3.

3. Яқин кишингиз … (қуйидагилардан бирини танланг) истайсиз?

а) қаттиқ яхши кўришини – 5;

б) сизни ҳимоя қила олишини – 1;

в) ўзи билан тенг кўришини – 3.

4. Иложи бўлганда ким бўлишни истардингиз?

а) миллионернинг хотини – 5;

б) ишбилармон аёл – 3;

в) шундайлигингизча қолар эдингиз – 1.

5. Сиз кўпроқ қайси мавзуда гаплашасиз? (иккитасини танланг)

а) кийим -1;

б) ишқий муносабатлар – 3;

в) фарзандлар – 1;

г) пул -2;

д) ўзингиз – 2;

е) спорт – 3.

6. Кўпроқ нима билан шуғулланишни ёқтирасиз? (иккитасини танланг).

а) гаплашишни – 2;

б) ёқтирган инсонингиз билан вақт ўтказишни – 3;

в) тўқиш ёки тикишни – 1;

г) таом тайёрлашни – 1;

д) пул сарфлашни – 2;

е) рақсга тушишни – 3.

7. Кийим танлашда нималарни эътиборга оласиз?

а) эркакларни жалб қилиш учун – 5;

б) аёллар ҳавас қилишлари учун – 3;

в) ўзингизни қулай ҳис этиш учун – 1.

8. Ким билан учрашишни истардингиз? (иккитасини танланг).

а) дунёга машҳур қўшиқчи билан – 1;

б) машҳур миллиардер билан – 3;

в) сиёсатчи билан – 2;

г) машҳур ёзувчи билан – 2;

д) машҳур актёр билан – 1.

9. Туғилган кунингизга нима харид қилишни истардингиз?

а) компьютер – 3;

б) микротўлқинли печ – 1;

в) қимматбаҳо кўйлак, тақинчоқ ва ҳоказо – 5.

10. Севги ҳақида ўйлаш, гаплашиш…

а) аёллардан кўра кўпроқ эркакларга ёқади – 1;

б) аёл ҳамда эркакларга бирдек ёқади – 5;

в) бу мавзуга ҳаддан ортиқ эътибор бериш керак эмас – 3.

11. Яқин инсонингиз сизга ҳиёнат қилаётганини билиб қолсангиз…

а) кўнглингиз вайрон бўлади – 1;

б) бу сиз учун осмон узулиб ерга тушди дегани эмас – 3;

в) рашк қиласиз – 5.

12. Сизнингча, яхши ва мустаҳкам муносабатлар учун нима керак?

а) барча жабҳада дунёқарашларнинг тўғри келиши – 5;

б) икки томонлама ҳурмат – 3;

в) меҳр-муҳаббат – 1.

13. Сизнингча, оилада ишлар қандай тақсимланиши керак?

а) квартира, телефон ва ҳ.к учун тўловлар – 3;

б) фарзандларнинг тарбияси – 3;

в) қаерда ва қандай дам олишни режалаштириш – 1;

г) уйни тозалаш; – 1;

д) уйни безаш (мебель ва бошқа жиҳозларни сотиб олиш) – 1.

ТЎПЛАГАН БАЛЛАРИНГИЗНИ ҲИСОБЛАБ ЧИҚИНГ:

72 балл. Эркаклар назарида сизни латофатли аёл деса бўлади. Сиз мафтункор, кези келганда эркаклар эътиборини қозона оладиган аёлсиз. Эркаклар диққат марказида бўлсангиз, ўзингизни жуда бахтли ҳис этасиз. Бундан ташқари, эркаклар ҳақида ҳамма нарсани биламан, деб ишонч билан айта оласиз.

60-71 балл. Сиз ўзингизни эркаклар олдида қандай тутишни ҳам, ўз қадр-қимматингизни ҳам яхши биласиз. Сиз жозибали ва кишини ўзига мафтун эта оладиган аёлсиз. Эркаклар сиз билан суҳбатлашишни ва сизнинг ёнингизда бўлишни исташлари турган гап. Лекин шу билан бирга, эркаклар сиз билан улар орқасида қандайдир чегара мавжудлиги ва сиз ушбу чегарадан ҳеч қачон чиқиб кетмаслигингизни ҳам билишади.

47-59 балл. Сиз ўзингизга ишонасиз ва эркаклар билан бир қаторда туришни истайсиз. Улар сизга латофатли аёлдан кўра, кўпроқ раҳбар аёл сифатида қарашади. Лекин сиз бунга аҳамият бермайсиз. Сиз ҳаётда нимани хоҳлашингизни ва бунга қандай эришиш мумкинлигини яхши биласиз.

34-46 балл. Сиз эркаклар психологиясини яхши биласиз, лекин негадир бундан фойдаланмайсиз. Самимиятингиз, гўзал қалбингиз эркакларни ташқи кўринишингиздан кўра кўпроқ ўзига жалб этади.

34 ва ундан кам балл. Сиз уйингиз ва фарзандларингиз билан бандсиз. Эркакларнинг сиз ҳақингизда нима деб ўйлашлари сизни умуман, қизиқтирмайди. Эркак киши тасаввурингизда сизни ҳимоя қила оладиган ва ўз таъсирини ўтказа оладиган бўлиши керак.

Кўп одамлар ўз айб ва камчиликларини кўрмайдилар. Бошқаларнинг кўзига тушган хасни кўрадилар-у, ўзларининг кўзларига тушган хасни кўришга ожизлик қиладилар. Ўз камчилигини кўришни истаган кишилар учун тўрт хил йўл бордир.

Биринчи йўл – камчиликни кўра олувчи комил бир одам билан суҳбатлашиб туришдир, бу йўл шогирд билан устоз орасида бўлади.

Иккинчи йўл – самимий, хайрихоҳ дўст топиб, ўзининг қилиб турган ишларини, юриш-туришини кузатиб, хуш кўрилмаган йўллардан қайтаришни ундан илтимос қилишдир. Бир донишманд: «Менинг камчиликларимни ўзимга айтган кишилардан миннатдорман», – дер эди.

Учинчи йўл – камчиликни душманлар оғзидан эшитиб, улардан тегишли хулоса чиқаришдир. Камчиликларни сўзлаб юрувчи душман икки юзламачи, риёкор дўстдан устун туради.

Тўртинчи йўл – халқ ичида юриб, баъзи одамларда кўрилган ёмон қилиқлардан хулоса қилиб, улардан сақланиш керак. Халқнинг нафратига сазовор бўлган ёмонларнинг қилиқлари сенда бор бўлса, уни битиришинг лозим. Луқмон ҳакимдан: «Адабни кимдан ўргандингиз?» деб сўрадилар. Луқмони ҳаким: «Адабни адабсизлардан ўргандим», деб жавоб берган экан.

Дунёда турмуш ўртоғининг муҳаббатига сазовор бўлишни истамайдиган аёл бўлмаса керак. Чунки бахтнинг асосий мезони эр-хотин ўртасидаги меҳр-муҳаббатдир. Қолаверса, икки дунё саодатига эришмоқчи бўлган солиҳа аёл биринчи галда эрининг юксак севгисига сазовор бўлади.

Қуйидаги тавсиялар аёлларнинг бахтга эришишларида кўмаклашади.

1. Тингланг, итоат этинг.

Эрига итоат этиш – фарз. Сизнинг умр йўлдошингиз – оила бошлиғи. Унга ана шу туйғуни ҳис этиш имконини беринг. Шунда ҳурмат қозонасиз.

2. Эрингиз мол-мулкини, уй-жойини кўз қорачиғидек асранг. Чунки унинг мулки сизнинг мулкингиз.

3. Бирон жойга борсангиз, албатта эрингиздан рухсат сўранг. Изнсиз остона хатлаб кўчага чиқа кўрманг. Чунки эрингиз сизга жавобгар.

4. Эрингиз учун жозибали бўлинг.

Аллоҳ таоло барча аёлларни эрлари учун пардоз-андоз қилишга, доим гўзал, покиза, ораста бўлиб юришга буюрган. Аллоҳ амр этганидек, эрингиз юрагини забт этиш учун чиройингизни ишга солинг. Бегона эркаклар эътиборини тортишга уринманг.

5. Яхши кайфият билан қарши олинг.

Тасаввур қилинг: эрингиз ишдан қайтди. Қаршисида саранжом-саришта уй, ширин калом, яхши кайфият билан кулиб қарши олган гўзал аёли, севиб истеъмол қиладиган мазали таомлар, ақлли фарзандлар. Шунда ҳам эрингизда салбий муносабат кузатилармикан?!

6. Уйингизда зеб-зийнатга бурканинг, эрингиз учун безанинг.

Барча аёллар болалигидан нафис сирғалар, билакузуклар тақади, чиройли кийимлар кияди. Ана шу одатни энди уйингизда давом эттиринг. Бу, эрингизга маъқул келади.

7. Ҳазиллашинг, кайфиятини кўтаринг, эрингизнинг жинсий эҳтиёжини қондиришга ҳаракат қилинг.

8. Оиласи учун қилаётган барча эзгу ҳаракатлари, меҳнатлари учун миннатдорчилик билдириб туринг.

Жаннатий аёлнинг безаги эрини доимий қўллаб-қувватлаш, оиласи фаровонлиги учун қилаётган ишларига ижобий баҳо бериш, раҳмат айтишдир. Зеро, эрининг топганига қаноат қилиш, унга миннатдорчилик билдириш аёлнинг саодат калитидир.

9. Оилавий сирларни, жинсий ҳаёт билан боғлиқ ишларни зинҳор кўчага олиб чиқманг. Бундай гаплар эр-хотин ўртасида қолсин. Бу, оила мустаҳкамлигида жуда муҳим саналади.

10. Баҳс пайтида, айбингиз бўлмаса-да, «Кечиринг», «Узр» дейишни лозим тутинг.

Ҳар бир хонадонда келишмовчилик, қўйди-чиқдилар бўлиб туради. Бу – табиий ҳолат. Ана шундай пайтда баҳслашманг, оловга мой сепманг, вазиятни кутинг, «Кечиринг, жаҳлингизни чиқардим. Илтимос, баҳслашмайлик, дадаси», десангиз, олам – гулистон.

11. «Жаннат калити» бўлган эрингиз кўнглини олишга доим ҳаракат қилинг.

12. Никоҳингиз мустаҳкам, оилавий муносабатларингиз яхши бўлишини Аллоҳдан сўранг

Ушбу тест ўзингизни қандай инсон эканлигингизни билишингизда ёрдам беради.

1. Шоҳона дастурхон атрофида бўлсангиз, ўзингизни қандай тутасиз?

а) меъёрида еб-ичаман, қачон ўзимни тўхтатишни биламан – 0

б) қорним тўқ бўлса-да, яхши овқатдан ўзимни тиёлмайман – 1

2. Сўзлашни хуш кўрасизми?

а) гапиришга арзийдиган бирор гап бўлса, кейин гапираман – 0

б) кўп гапиришни ёқтираман, ҳар қандай мавзуда гаплашиб кетавераман – 1

3. Тартиб-интизомлимисиз?

а) ҳар бир ишим тартибга солинган, режа асосида иш қиламан – 0

б) тартиб-интизомга риоя қилмайман – 1

4. Қатъиятлимисиз?

а) бирор нарсага аҳд қилсам, уни албатта амалга ошираман – 0

б) кўпинча иккиланаман, қийинроқ туюлган ишни бажармай қўявераман – 1

5. Пулни қандай сарфлайсиз?

а) фақат керакли нарсаларгагина пул сарфлайман – 0

б) қанча истасам шунча пул сарфлайман – 1

6. Қандай ходимсиз?

а) меҳнаткашман, ўз вазифамни сидқидилдан бажараман – 0

б) кўпинча фикримни жамлолмайман, ишга чин дилдан киришолмайман – 1

7. Доим рост гапирасизми?

а) фақат рост гапираман – 0

б) баъзан ёлғон ҳам гапираман, масалан қийин вазиятдан чиқиш учун- 1

8. Атрофдагиларга муносабатингиз қандай?

а) барчанинг кўнглига қарайман – 0

б) мени атрофдагилар қизиқтирмайди – 1

9. Таваккалчимисиз?

а) таваккал қилишга қўрқаман – 0

б) керак бўлса таваккал қилишга тайёрман – 1

10. Оғир-босиқмисиз?

а) ғалва-жанжалга тоқатим йўқ – 0

б) кўпинча бошқалар билан тортишиб қоламан – 1

0-3 балл. Сиз ҳаттоки, иложсиз пайтда ҳам ўзингизни тута оласиз. Ҳар бир ҳаракатингиз олдидан узоқ ўйлайсиз. Сизга ҳар қандай сирни ишониб айтиш мумкин. Берган ваъдангизнинг устидан, албатта, чиқасиз.

4-6 балл. Сиз ҳамма нарсани тўғри бажаришга ҳаракат қиласиз. Атрофдагилар асабингизга тегишган пайтда ҳам жиғибийрон бўлганингизни билдирмайсиз. Вақтингизни қандай сарфлашни биласиз. Баъзи-баъзида сизга қатъият етишмайди.

7-9 балл. Баъзан атрофдагиларнинг ғашига тегишингиз мумкин. Сиз пулни қандай сарфлашни яхши биласиз. Қатъиятлисиз, бирор нарсага аҳд қилсангиз, албатта уддасидан чиқасиз. Сизга қандай муомала қилишса, ўшандай жавоб қайтарасиз.

10 балл. Сиз фақат ўзингизни яхши кўрасиз. Атрофдагиларнинг сиз ҳақингизда нима деб ўйлашлари сизни умуман қизиқтирмайди. Ўз фикрингизни ошкора гапирасиз. Пулни аёвсиз сарфлайсиз.

Аёлларнинг феъл-атвори ҳақида нафақат уларнинг кийиниш ёки пардоз услуби, балки тутадиган сумкаларига қараб билиб олиш мумкин.

Сумкаларнинг шаклига кўра, аёлларнинг характеридаги ўзига хослик яққол намоён бўлади.

Агар кичкина кармончларни маъқул кўрсангиз унда сиз:

Ўзингизга нима кераклигини яхши биласиз. Нарса-буюмларнинг сифатли ёки сифатсиз эканини осон ажратасиз. Ҳар қандай вазиятда ўзингизни эркин ҳис қиласиз ва ўзингизга ишонасиз. Замонавий урф, анъаналарни кузатиб борасиз. Кучли шахслар, айниқса, эркаклардан узоқроқ юришни маъқул деб ўйлайсиз. Эркаклар аёлларнинг инжиқликларини тўғри тушунишларини истайсиз. Ташқи кўринишингиз, либосларингиз ва тақинчоқларингизга етарли вақт ажратасиз.

Катта ҳажмдаги сумка тутсангиз, унда сиз:

Фавқулодда кузатувчан ва эҳтиёткорсиз. Ҳамма нарсани олдиндан захирасини яратиб қўясиз. Ҳаётдаги ўзгариш ва бурилишларга ишончсизлик билан қарайсиз. Агар чиройли ёки қулай нарсани танлаш керак бўлса, албатта, қулайини танлайсиз.

Оилада меҳрибон аёл ва она бўлишга интиласиз. Ғайратли ва шижоатли бўлиш сизнинг шиорингизга айланган.

Ғайриоддий ва кутилмаган ёрқин рангдаги сумкаларни афзал билсангиз:

Сизни ижодкорлар тоифасидан деб айтиш мумкин. Шахсиятингиз ҳақида фикрингиз жуда юқори. Сизни ёқимтой дейишдан кўра, кўпроқ «тили аччиқ» деб таърифлаш тўғрироқ. Хаёлан янги ва эртаклардагидек сарой қуришни ният қиласиз. Негадир асосий нарсаларга иккинчи даражали баҳо берасиз. Кўпчиликни хушламасангизда, ҳамманинг эътиборида бўлишни хуш кўрасиз. Шу ўринда ташаббусни қўлдан бой бермайсиз. Кулгига мойил, ҳазилкаш кишилар билан мулоқот қилишни ёқтирасиз.

Кўриниши оддий сумкаларни ёқтирсангиз:

Ишбилармон ва омилкорсиз. Ақл билан иш кўришдан кўра кўпроқ ҳиссиётларингизга қулоқ соласиз. Ўзингизга қарши чиқадиган пайтларингиз ҳам бўлади. Янгиликни ҳечам қулайликдан устун қўймайсиз. Маълум одатларга кўниккансиз. Шунингдек, ортиқча ҳашамни хушламайсиз. Иложи бўлмас нарсаларни орзу қилмайсиз.

Севгилингизнинг сизга нисбатан муносабатини ўзингизга аён даражадан ҳам кўпроқ билишни хоҳлайсизми? Унда қуйидаги тест сизга ёрдам беради, деган умиддамиз.

У лозим бўлганда сизга кўпроқ нималар ҳадя этади?

А) Ширинлик ва атирлар — 2 балл;

Б) Гул ва сувенирлар — 1 балл;

В) Китоб ва юмшоқ ўйинчоқлар — 3 балл.

Дидингиз ва характерингизга унинг муносабати?

А) Қандай бўлсам шундайлигимча қабул қилади — 2 балл;

Б) Чегарадан чиқишимга йўл қўймайди — 3 балл;

В) Ўзи мени замонавийликка ундайди — 1 балл.

Бир-бирингизни қанчалик тушунасиз?

А) Имкон қадар келишишга ҳаракат қиламиз — 1 балл;

Б) Тез-тез ури­шиб қоламиз — 2 балл;

В) Бир қа­рашда тушунишиб кетаверамиз — 3 балл.

Имкони бўлганда унинг сев­гисини синашни истайсизми?

А) Йўқ, унга ишонаман — 2 балл;

Б) Ҳа, чунки баъзида шубҳаланиб қоламан — 1 балл;

В) Бу муҳим бўлмаса ҳам, қизиқ бўлгани учун имкониятни қўлдан бермайман — 3 балл.

6 баллдан ўтолмаган бўл­сангиз, севгингиз сароб бўлиб чиқишига тайёр туришингизни маслаҳат берамиз. Негаки, у сизни осонликча ташлаб кета олади.

Очконгиз 8 баллга етган бўлса, сиз­ни табриклашимиз мумкин. У сизни чиндан севади. Лекин бу севгингиз ҳали мустаҳкам дегани эмас.

10 баллдан ўтиб кетдингизми? О, муҳаббатингизга ҳавас қилса арзийди. Маслаҳатимиз — шу севгингизга гард етказманг, асраб-авайланг, чунки у ноёб.

Яхши лавозимда ишлаш нафақат билим, тажриба, муомалаю муносабатни ҳам талаб этади. Қуйидаги кичик тест сизнинг ишга ва жамоадошларингизга нисбатан муносабатингизнинг ўзига хос томонларини аниқлашга ёрдам беради.

1. Инсон танлаган касби ортидан...

А. Албатта, моддий манфаатга эришиши даркор.

Б. Обрў-эътибор қозониши керак.

В. Бу ҳамманинг ўз истаги ва ҳаракатига боғлиқ.

2. Саёҳат ёки сафарга чиқдингиз. Анча олдин келган жойингизда йўналишни осон белгилай оласизми?

А. «Йўқ, ўзимча ҳаракатланишга қўрқаман».

Б. «Ҳа, агар бу жойлар менга ёқса».

В. «Албатта, чунки жуда зийракман».

3. Сиз учун аҳамиятли бўлган суҳбатдан кейин дарҳол нималар ҳақида гапирилганини эслаб, таҳлил қилишга тушасизми?

А. Дарров эслашингиз қийин.

Б. Айни пайтда сизни қизиқтирган гап-сўзларнигина ёдда тутиб қоласиз.

В. Ҳа, ҳеч қандай қийинчиликсиз.

4. Хорижий тилда талаффуз қилинган, сизга нотаниш бўлган сўзни хатосиз такрорлай оласизми?

А. «Ҳа, агар сўзловчи тўғри талаффуз қилган бўлса».

Б. «Бироз адашишим мумкин».

В. «Албатта, чунки диққат билан эшитаман».

5. Иш жараёнида бўш вақтингиз бўлса...

А. «Ҳар эҳтимолга қарши иш жойимда бўлиб тураман».

Б. «Ҳар доим ҳар хил, нима билан шуғулланишимнинг менга унча фарқи йўқ».

В. «Иложи борича бошқаларга халақит қилмайман ва ўз хаёлларим билан банд бўламан».

6. Бошлаган ишингизни қай ҳолатда тугатасиз?

А. «Натижа жуда оламшумул бўлишини кутиб ўтирмайман, салгина кўнглим тўлса бўлди-да».

Б. «Бу иш билан шуғулланиш жонимга текканида».

В. «Қачонки қилаётган ишим кутилган натижани берса».

7. Жамоавий тадбирларда...

А. Унчалик хушламайсиз, одатда раҳбариятнинг ҳимматидан мосуво қолмаслик учунгина қатнашасиз.

Б. Ўзингизни кўрсатишга ҳаракат қиласиз.

В. Ҳамкасбларингиз билан дилдан яйраб завқланасиз.

8. Иш жараёнида илгари сурган фикрингизни ўзгартиришингиз мумкинми?

А. «Жуда ноилож қолган тақдиримда, ўзгартиришга мажбур бўламан».

Б. «Асло, ҳар қандай вазиятда ҳам ўз фикримда собит тураман».

В. «Агар ҳамкабсларим аниқ далиллар келтиришса ва улар ҳақ бўлишса, фикримдан қайтаман».

9. Ҳамкасбларингиз билан хизмат доирасидан ташқарида ҳам яқинмисиз?

А. «Йўқ, иш бу — иш. Унга шахсий муносабатларни аралаштирмаслик керак».

Б. «Деярли ишдан ташқарида улар билан муносабат қилмайман».

В. «Албатта, оилавий йиғинларда ҳам борди-келдимиз бор, ҳатто».

Балларни ҳисоблаймиз!

«А» — 3 балл; «Б» — 0 балл; «В» — 6 балл.

Натижа

0–24 балл. Атрофингиздагилар сиз ҳақингизда қандай фикрдалигини хаёлингизга ҳам келтирмайсиз. Ким билан ишлаяпсиз, ундан нималар ўрганиш мумкин — қизиқмайсиз. Топширилган вазафаларнинг уддасидан чиқасиз-у, лекин ўзингиз ташаббус кўрсатиб, бирор янги лойиҳага қўл урмайсиз. Шиоирингиз — «Бўйнимга қанча кам мажбурият олсам, шунча яхши!» Ҳамкасблар билан муносабатларни қалинлаштиришдан нима наф деб ўйлайсиз. Раҳбарият сизни яхши ходим санайди, бироқ бебаҳо эмас. Жамоадошлар ҳам сизга ишонқирамай қарашади. Кези келганида уларни қўллашингизга кўзлари етмайди-да. Ўз қобиғингизга ўралиб олманг. Ишга фақат пул топиш манбаи сифатида қарашда давом этаверсангиз, лавозимингиз ҳам ошмайди, ўз-ўзидан маошингиз ҳам. Фаолиятингиз билан боғлиқ мақсадлар ва ўзаро муносабатларни таҳлил қилиб, зарурат бўлса, ўзгартиришлар киритинг.

25–38 балл. Шахсий муносабатлар ва иш борасида қатъий чегара қўйгансиз. Бу бир томондан яхши. Аммо баъзида шу сабаб жамоага қўшилиб кетишга қийналасиз. Ўзингизни танитиб, ҳамкабслар билан дилдан суҳбатлашиб туринг. Вазиятларга мослаша олишингиз бироз қийин. Бошқаларга қайишни-ку гоҳида истамайсиз. Лекин унутманг, ҳар доим битимга эришиш мумкин. Қачонки, ҳамкасбларингиз билан муносабатларингизни илиқлаштирасиз, шунда карьерангизда ҳам ўсиш бўлади. Ёдда тутинг, раҳбарият асосан киришимли, ҳамма билан тил топиша оладиганларга юқори лавозимларни муносиб кўришади.

39–54 балл. Жуда киришимли, очиқ инсонсиз. Сиз билан тез дўстлашиб кетиш мумкин. Қачон гапириб, қачон жим туришни биласиз. Бу карьера қиламан деган киши учун жуда яхши сифат. Атрофингиздагиларнинг сизни ҳурмат қилиши, раҳбарият қадрлаши ҳам шу хусусиятингизнинг каромати. Сизга битта маслаҳат, ишда чегарани унутиб қўйманг.

Ҳаммамиз ҳам ўз жуфтимизнинг қалбига йўл топа олишни, унинг дунёқараши биланфеъл-атворимиз мос келишини истаймиз. Оила қуриш арафасидаги ёшлар ва эр-хотин муносабатларидаги самимийлик нечоғли муҳим-у, сохта муомала қанчалик хавфли? Ушбу тест сизга ришталарингиз қанчалик мустаҳкам эканини аниқлашга ёрдам беради. Бунинг учун (эркак ҳам, аёл ҳам алоҳида) тест саволларига жавоб тайёрлаб, ҳар бир "А” жавоб учун 5 балл, ҳар бир "Б” жавоб учун 0 балл қўйиши лозим.

1. Фикрингизча, эр ва хотин баравар дам олиши керакми?

а) Ҳа

б) Йўқ

2. Оила қуриш ва унинг барқарорлигидан мақсад фарзанд кўриш ва уни тарбиялашми?

а) Ҳа

б) Йўқ

3. Фарзандларни мустақил фикрлаш ва яшашга эртароқ ўргатиш керак,тўғрими?

а) Ҳа

б) Йўқ

4. Эр ва хотин бир-бирига ҳамма гап-сўзини айтиши шарт эмас, деган фикрга қўшиласизми?

а) Ҳа

б) Йўқ

5. Болалар доимо ўз ота-онасига қулоқ тутиши лозимми?

а) Ҳа

б) Йўқ

6. Ота-онангиз уйида болалигингиз ҳамиша тинчлик, уруш-жанжалларсиз ўтганми?

а) Ҳа

б) Йўқ

7. Турмуш қургандан кейин инсон ўзининг (қарама-қарши жинс вакили бўлган) аввалги танишлари билан мулоқотда бўлишни тўхтатади, сизнингча-чи?

а) Ҳа

б) Йўқ

8. Базм, меҳмондорчилик, дўстлар билан учрашувларни ёқтирасизми?

а) Ҳа

б) Йўқ

9. Ота-она болалар "ҳаёти”га камроқ аралашиши керакми?

а) Ҳа

б) Йўқ

10. Инсон жуфту ҳалолини яримта гапидан нима демоқчилигини тушуниши муҳимми?

а) Ҳа

б) Йўқ

11. Сизнингча, болалар ёшликданоқ пул топиш қийинлигини билиши керакми?

а) Ҳа

б) Йўқ

12. Эр ва хотин алоҳида танишларга эга бўлиши керакми?

а) Ҳа

б) Йўқ

13. Ота-оналар болалар учун намуна, идеал бўла оладими?

а) Ҳа

б) Йўқ

14. Никоҳдан мақсад моддий фаровонликми?

а) Ҳа

б) Йўқ

15. Онангиз билан алоқангиз яхшими (эркаклар учун савол)? Отангиз билан алоқангиз яхшими (аёллар учун савол)?

а) Ҳа

б) Йўқ

16. Болаларни қаттиққўллик билан тарбиялаш тўғрими?

а) Ҳа

б) Йўқ

Натижалар:

*Агар сиз ва турмуш ўртоғингиз билан баллар ўртасидаги фарқ 25 балл ва ундан кам бўлса, муносабатларингиз яхши эканини билдиради. Бу икки дунёқараш ва кўнгилнинг мос тушишидан далолат. Ҳарҳолда шундай хулоса чиқариш учун асос бор. Умид қиламизки, бир-бирингизнинг янги фазилатларингизни кашф қилиб, кундан-кун яқин бўлиб бораверасиз.

*Агар фарқ 30-55 балл ўртасида бўлса, ўртангизда баъзи тафовутлар туфайли муаммолар келиб чиқиши мумкин. Бироқ маълумки, жиддий муносабатларда бир-бирига ён босмай, қўллаб-қувватламай бўлмайди. Агар сиз турмуш ўртоғингизнинг фикрини хотиржам тинглашни ўрганиб олсангиз, муносабатларингиз жуда яхши тус олади. Лекин ён босишда ҳам ақлга таяниб иш тутиш мақсадга мувофиқ.

* Агар фарқ 60 балл ва ундан юқори бўлса, сизнинг ҳаёт ва оила ҳақидаги ўй-фикрларингиз умуман бошқа-бошқа. Иккингизнинг қарашларингиз бир-бирингизга тўғри келмаслиги боис анча қийинчилик туғилиши мумкин. Севги — бу фақат табиат қўйнида ёнма-ён ўтириш ёки ой остида сайр қилиш эмас, бу турмуш ҳамдир. Бир-бирингизга нисбатан сабрли бўлиш талаб этилади.

Инсон танлови у ҳақида кўп нарсалар айтиши мумкин (айниқса қарор дарҳол қилиниши керак бўлган қийин вазиятларда).

Биз сизга шахс ҳақида барча ҳақиқатни айтиб берадиган қисқа тестдан ўтишга таклиф этамиз. Қилиш керак бўлган нарса - бошқалардан кўра ким кўпроқ ёрдамга муҳтож эканлигини танлашдир.

ЖАВОБЛАР:

1 — Сиз яхши тарбия олган одобли инсонсиз ва ўтмишдаги анъаналарни юқори даражада ҳурмат қиласиз. Қарорларни доимо оқилона қабул қиласиз, ҳеч қачон шошма-шошарлик билан ҳаракат қилмайсиз. Сизга бу дунёнинг адолатсизлигига чидай олмайсиз. Сизга кўпинча бошқалар қочиб қилмай юрган ишларни топширади.

2 — Танловингиз сизда жуда нозик юрак борлигини билдиради. Сиз тез-тез шундай гаплар эшитгансиз: «Устига чиқиб олишларига йўл қўйма» ёки «Пушта кўзойнакни еч». Дўстларингиз ёнингизда ўзларини қулай ва хавфсиз ҳис қилишади, чунки сиз ҳеч қачон уларни қийин вазиятда ташлаб кетмайсиз.

3 — Ҳаёт ва қувноқ йиғинларни севувчи инсонсиз. Сиз ҳовлиқишни ёқтирмайдиган ва ҳеч қачон керагидан ортиқ қилмайсиз. Сиз табиатан етакчисиз ва кучли шахсларни магнитланган кабины жалб қиласиз.

4 — Сиз табиатан осон ва оптимист инсонсиз. Сиз дунёни ёрқин рангларда кўра оладиган ва дунёнинг номукаммалликларга эътибор қаратмайсиз. Сиз инсонлар билан тез тил топишасиз ва кўп ишни ёқтирмайсиз. Сиз саргузаштни севувчи ва тўрт девор ичида туролмайдиган инсонсиз.


Hayotda shunday lahzalar bo'ladiki, inson o'zini xuddi boshi berk ko'chaga kirib qolgandek his eta boshlaydi. Yorug' dunyodan umidlari so'nadi. Nimalar bo'layotganini anglay olmay azoblanadi. To'xtang, boshingizga tushgan barcha yaxshi-yomon ishlar xarakteringiz tufayli bo'lmasin tag'in!.. To'g'ri-da, ko'pchilik o'z xarakterini o'zi yaxshi bilmay turib, aybni boshqalarga qo'yishi hech gap emas. Quyidagi test esa o'z xarakteringizni chuqurroq bilib olishga ko'mak beradi degan umiddamiz.

1. Do'stlikni qadrlaysizmi?

A) Ha — 1 ball

B) Yo'q — 0 ball

2. Yangilikka intilasizmi?

A) Ha — 0 ball

B) Yo'q — 1 ball

3. Tez-tez yangi kiyimlar xarid qilishni xush ko'rasizmi?

A) Ha — 1 ball

B) Yo'q — 0 ball

4. Bahona, sababsiz ham fe'lingiz o'zgarishi mumkinmi?

A) Ha — 0 ball

B) Yo'q — 1 ball

5. Bola ekaningizda voyaga yetib egallamoqchi bo'lgan kasbingizni uch martadan ko'p almashtirganmisiz?

A) Ha — 0 ball

B) Yo'q — 1 ball

6. Qiyin masalani yechish paytida tez-tez o'zingizga bo'lgan ishonch so'nadimi?

A) Ha — 0 ball

B) Yo'q — 1 ball

7. Nimanidir kolleksiya qilish bilan shug'ullanasizmi?

A) Ha — 1 ball

B) Yo'q — 0 ball

8. So'nggi daqiqalarda rejalaringizni tez-tez o'zgartirib turasizmi?

A) Ha — 0 ball

B) Yo'q — 1 ball

 

NATIJALAR:

Olti balldan yuqori.

Siz juda tartibli, xalq tilida aytganda, o'zini bosib olgan insonsiz. Ota-onaga ham, boshliq, do'stlaringizga ham sira ortiqcha tashvish keltirmaysiz.

Uch dan olti ballgacha.

Kayfiyatingiz, fe'l atvoringiz tez-tez almashinib turadi. Esingizda bo'lsin, bir xil xarakterga va kayfiyatga erisha bilish hayotda tengsiz omad keltirishi mumkin.

Uch balldan kam.

Nega o'z kuchingizga ishonmaysiz? Uydagilarga ko'proq suyanish va ish joyining o'zidan yaqin do'stlar orttirish lozim.

Кўпчилик аёллар оилада эркакка нисбатан ўзларини масъулроқ деб ўйлашади. Эркаклар эса аксинча, ҳозирги аёлларни оила, рўзғор учун жон куйдирмаётганликда айблашади.

Ушбу тест орқали ҳурматли эркакларимиз шу масалага ойдинлик киритиб олишлари мумкин. Агар «Мен» жавобини белгиласангиз, ҳисобингизга 1 балл ёзиб қўйинг.

1. Оилада ким фаолроқ ҳаёт тарзига эга?

2. Болаларга ким кўпроқ меҳр кўрсатади?

3. Ишдан ким кечроқ қайтади?

4. Рўзғордаги оғир ишлар кимнинг зиммасида?

5. Болаларингизнинг муаммоларини ким яхшироқ билади?

6. Педагогикадан ким кўпроқ хабардор? Сизми, турмуш ўртоғингизми?

7. Қай бирингиз кўпроқ жазавага тушиб турасиз?

8. Мактаб, боғчадаги ота-оналар мажлисида ким кўпроқ иштирок этади?

9. Оиладаги болалар байрамларини ким ташкил этади?

10. Ким хизмат билан кўпроқ банд бўлади?

11. Орангизда ким жаҳлдорроқ?

12. Оилавий ташвишлар ҳақида ким кўпроқ қайғуради?

13. Кимнинг ишхонаси уйдан узоқроқ?

14. Масъулияти оғирроқ бўлган оилавий юмушлар кимнинг зиммасида?

15. Ошхонада асосан ким куймаланади?

16. Уйдаги майда таъмир ишларига одатда ким жавобгар?

17. Оилада ким тикув, тўқув ишларини амалга оширади?

18. Бозорга ким қатнайди?

19. Кирларни ким ювади?

20. Уйни ким йиғиштиради?

21. Оиладаги бўш вақтларни қандай ўтказиш масаласини ким ҳал этади?

22. Таътилни ҳисобга олмаса, кимнинг бўш вақти кўпроқ?

23. Оила номидан яқинларга, дўстларга ким мактуб ёзади?

24. Болалар ҳудудий врачи билан ким яқиндан таниш?

25. Коммунал тўловлар кимнинг зиммасида?

26. Газета-журналларга обуна бўлиш масаласига ким жавоб беради?

27. Уйдаги жониворларни ким озиқлантиради?

28. Томорқада ким кўпроқ меҳнат қилади?

29. Қўшнилар, дўстлар билан ким кўпроқ муносабат юритади?

НАТИЖАЛАР:

22 ва ундан кўп балл.

Сиз оиладаги мажбуриятларнинг асосий қисмини ўз зиммангизга олгансиз. Турмуш ўртоғингиз ўзини энг бахтли аёллардан бири дея ҳисобласа арзийди. Негаки, у ҳаётда ўзини аёл ҳис этиши учун барча шарт-шароитлар муҳайё.

13-21 балл.

Оилангизда ҳаяжонга, ташвишга тушиш учун ҳеч қандай сабаб кўринмаяпти. Хотинингиз камдан-кам ҳолларда рўзғорнинг оғир юкини кўтаради. Аксар ҳолларда фақат сизга суянади. Ҳатто қўни-қўшнилар олдида сизни мақтаб чарчамайди. Бир сўз билан айтадиган бўлсак, сиздек ёстиқдоши билан чин кўнгилдан фахрланади.

Сиз имкон топилди дегунча унга яқиндан ёрдамга шошилиб жуда тўғри иш қиляпсиз.

12 ва ундан кам балл.

Сиз доимо оиладаги мажбуриятлар адолат билан тақсимланган деб ҳисоблайсизми? Йўқ, бу билан ўзингизни ўзингиз алдаяпсиз холос. Хотинингиз шўрлик рўзғор тебратиш вазифасини аллақачон мустақил ҳал этадиган бўлган. Шу ҳақда ўйлаб кўрдингизми? Баъзан жанжаллар чиқиб турибди. Аёлингиз кўп вазиятларда хомуш тортиб қоляпти. Балки, бурчак-бурчакда йиғлаб ҳам олаётгандир. Энди мундоқ мулоҳаза қилиб, рўзғор юмушларига қаранг-да! Шундай қилсангиз адолатдан бўларди, албатта. Ахир, нима бўлганда ҳам эркак деган номингиз бор. Уни гўшангага олиб кираётганингизда қадимгилар ибораси билан айтганда, «тўрва халта»ни бўйинга илгансиз-ку! Нега ўзингизни олиб қочасиз? Ҳали ҳаммаси олдинда. Фарзандларингиз улғаяр, ташвиш устига ташвиш ёғилар. Башарти ҳозирдан ҳаракатингизни қилмасангиз, ўзингизни оғир юк кўтаришга, масъулиятли бўлишга ўргатмас экансиз, қийналиб қолишингиз ҳеч гап эмас.

Жавоб вариантлари: «Жуда кўп», «Тез-тез», «Баъзан», «Камдан-кам», «Ҳеч қачон».

1. Ҳеч қандай баҳонасиз ҳам хавотирга тушиб турасиз.

2. Ўзгаларга кулгили кўринишдан қўрқасиз.

3. Келажакни режалаштирмай яшаш сизни ташвишлантиради.

4. Дўстларингиз сизни ҳушёрликка ундаб туришларига эҳтиёж сезасиз.

5. Сизни бошқалар тушунмаслигидан азоб чекасиз.

6. Ташқи кўринишингиз ўзингизни қониқтирмайди.

7. Одамлар сиздан кўп нарса кутишади.

8. Одамлар билан арзирли мулоқот қилишни билмай қолган вақтларингиз бўлади.

9. Ўзингизни ҳар тарафлама чекланган дея ҳисоблайсиз.

10. Бошқалар сизга қандай муносабатда эканликларини ўйлаб сиқиласиз.

11. Одамлар орқаваротдан сизни ғийбат қилишади деб ўйлайсиз.

12. Доимо мана-мана кўнгилсизликка дуч келаман деб ўйлайсиз.

13. Ўз хавфсизлигингиз ҳақида ўйлаб ҳам кўрмайсиз.

14. Сизнинг дардлашадиган дардкашингиз йўқ.

15. Сиз эришаётган ютуқлар бошқалар учун аҳамиятсиз деб ўйлайсиз.

НАТИЖАЛАР: 

«Жуда кўп» жавоби учун — 4 балл, «Тез-тез» жавоби учун — 3 балл, «Баъзан» жавоби учун — 2 балл, «Камдан-кам» жавоби учун — 1 балл, «Ҳеч қачон» жавоби учун — 0 балл.

10 баллдан кам.

Сиз ўзингизга меъёридан ортиқ баҳо бериб юборгансиз. Мақтанишдан тийилинг. Чунки, шу сабабли ҳам атрофингиздагилар билан тез-тез жанжаллашиб қоласиз.

10 дан 30 баллгача.

Ўз қадрингизни, жамиятдаги арзирли ўрнингизни била олмай қийналасиз. Бошқаларнинг ўзингиз ҳақингиздаги фикрлари ҳақида камроқ ўйланг.

30 балл ва ундан юқори.

Сиз катта ёшдасиз ва бундай масалаларда тарозининг палласини баравар қўйишга одатлангансиз. Ўз кучингизга ишониб яшайсиз. Бўш келманг!

Ҳар бир инсон ўсиб, улғайиш давомида ўзига хос ҳаётий тажрибага эга бўлиб боради. Бу кўпроқ бизнинг иродамиз, руҳий қувватимиз билан боғлиқ. Хўш, сиз ўз умрингиз мобайнида қанча тажриба тўпладингиз? Қуйидаги тест ушбу саволга жавоб топишингизда сизга яқиндан ёрдам беради.

Саволларга «ҳа» ёки «йўқ» жавобларини беринг.

1. Кимсасиз оролда яшай олармидингиз?

Ҳа — 1 балл
Йўқ — 0 балл

2. Ўзингиз мустақил олов ёқа биласизми?

Ҳа — 1 балл

Йўқ — 0 балл

3. Тухумни мустақил равишда қайната оласизми?

Ҳа — 1 балл

Йўқ — 0 балл

4. Уч хил овқатни бирданига пишира оласизми?

Ҳа — 1 балл

Йўқ — 0 балл

5. Кўйлагингизни ўзингиз дазмоллай оласизми?

Ҳа — 1 балл

Йўқ — 0 балл

6. Автомобилнинг баллонини қандай алмаштиришни биласизми?

Ҳа — 1 балл

Йўқ — 0 балл

7. Муаммоларни тез ҳал эта оласизми?

Ҳа — 1 балл

Йўқ — 0 балл

8. Чинни буюмларни ямаш қўлингиздан келадими?

Ҳа — 1 балл

Йўқ — 0 балл

9. Ташкилотчимисиз?

Ҳа — 1 балл

Йўқ — 0 балл

10. Офисда картотекалар ташкил эта оласизми?

Ҳа — 1 балл

Йўқ — 0 балл

11. Тешилган камерани мустақил ямай биласизми?

Ҳа — 1 балл

Йўқ — 0 балл

12. Кран бузилса, тузатишга қодирмисиз?

Ҳа — 1 балл

Йўқ — 0 балл

13. Томорқа ишларида тажрибангиз борми?

Ҳа — 1 балл

Йўқ — 0 балл

14. Асалари уясини бир ўзингиз ташқарига чиқариб ола биласизми?

Ҳа — 1 балл

Йўқ — 0 балл

15. Кимгадир сунъий нафас юбора оласизми?

Ҳа — 1 балл

Йўқ — 0 балл


НАТИЖАЛАР:

10-15 балл. Сиз ҳаётда катта тажрибага эгасиз. Қийин вазиятлардан осонлик билан чиқиб кета оласиз. Сабр-тоқатингиз ҳам етарли.

4-9 балл. Ўзингиз ҳақингизда қайғура оласиз. Фақат кўпинча мустақил ҳаракатланишга ожиз қоласиз.

3 ва ундан кам балл. Афсуски, ҳаётда яшаш давомида негадир етарли тажриба тўплай олмабсиз. Масалан, катта шаҳарда яшаган тақдирингизда агар чўнтагингиз пулга тўла бўлмаса, қаттиқ ташвишлана бошлайсиз, тушкунлика тушасиз, бу ёруғ дунёга сиғмайсиз. Қишлоқда бўлсангиз ҳам, барибир томорқа, далада ниманидир мустақил экиш, ёки жўяклар олиш қўлингиздан келмайди.

Бошингизга ташвиш тушса, дарҳол ўзгаларнинг қош-қовоғига қарайсиз. Уларнинг кўмагини кута бошлайсиз. Хўш, нега шундай? Наҳотки, бу ёруғ дунёда қўлингиздан ҳеч нарса келмаса?

Ахир, сизда ҳам бошқаларда бўлганидек икки қўл, икки оёқ бор. Миянгиз ҳам ишлаб турибди. Нега тафаккурингизни ишга солиш, ўйлаш, фикрлаш, изланишга қодир бўлмасангиз? Бу кетишингизда бир кун келиб боши берк кўчага кириб қолмайсизми? Ёки бўлмаса, оила аъзоларингиз, яқинларингизнинг танбеҳларига рўбарў бўлсангиз, унда қандай йўл тутасиз? Шубҳасиз, мулзам бўласиз. Йўқ, эркак учун бундан-да уятлироқ, оғирроқ вазият бўлмайди. Ҳали кеч бўлмасидан ҳаёт тарзингизни ўзгартиринг. Изланувчан бўлинг. Шунда ўзгалар қаршисида бошингиз баланд кўтарилади.

Ҳар бир тирик инсоннинг ўз манфаатлари бор. Лекин ўткинчи дунёда ўзидан кўра, бошқаларнинг манфаатларини ҳимоя қиладиганлар ҳам кўп учрайди.
$CUT$
Сиз-чи? Сиз учун кимнинг манфаатлари устунроқ? Қуйидаги саволларга жавоб бериб, шуни аниқлаб олинг.

1. Муҳим учрашувга отланяпсиз-у, тўсатдан яқин дугонангиз кириб, маълум муддатга болаларига қараб туришингизни сўради, тез бир таниши билан кўришмаса бўлмаслигини айтиб қолди. Сиз:

а) Оғир хўрсиниб, рози бўласиз;

б) Кескин рад жавоби берасиз;

в) Чиқиб кетаётганингизни айтасиз. Яхшиси, эртага келишини тайинлайсиз.

2. Илм кишиси бўлмиш танишингиз қайсидир мажлисда чиқиш қилиши кераклигини, шунга нутқ матнини ёзиб беришингизни илтимос қилса:

а) Ҳазил аралаш эвазига дам олиш кунлари «Мерседес»ини бериб туришини айтасиз;

б) Хурсанд бўлиб розилик билдирасиз;

в) Унга эшиттирмай ғудраниб қўясиз.

3. Сизга ёққан эркак бугун ресторанга таклиф қила олмаслигини, пули камроқ эканини айтса:

а) Қачон бойиса ўшанда учрашишингизни айтиб жўнаб қоласиз;

б) Ўзингиз уни ресторанга таклиф қилиб, харажатларни тўлайсиз;

в) Уни нўноқликда айблайсиз.

4. Бошлиғингиз ишдан кейин қолиб қўшимча иш олишингизни сўраса:

а) Ҳамкасб дугонангиздан бошқа хонадан туриб бошлиққа: «Холаси касал экан, касалхонага кетди» деб қўйишини сўрайсиз;

б) Индамай рози бўласиз;

в) Бошлиқни меҳнат қонунларини бузаётганликда айблайсиз.

5. Болаликда сиз қуйидаги қаҳрамонга ўхшашни истардингиз:

а) Золушка;

б) Қизил Шапкача;

в) Қор маликаси.

6. Дугоналарингиздан бири кутилмаганда сиздан ўзини олиб қоча бошласа:

а) Қаттиқ қайғуга ботасиз ва нима қилиб бўлмасин қайтадан унинг эътиборини тортишга интиласиз;

б) Унга ичингиздаги бор гапларни айтиб-айтиб оласиз;

в) Сиз ҳам ундан воз кечасиз ва ўша дугонасиз ҳам ҳаётда бемалол яшаш мумкин дея ҳисоблайсиз.

7. Эрингиз сизни ўзингизга умуман ёқмайдиган зиёфатга олиб бормоқчи:

а) Бугун ёлғиз қолмоқчи эканингизни айтиб таклифини рад этасиз;

б) Рози бўласиз ва у билан бирга борасиз;

в) Дўстлар танлашда умуман диди йўқлигини юзига соласиз. Уни ҳам бормасдан сиз билан бирга бўлишини талаб қиласиз.

8. Дугоналарингиз сизни саёҳатга таклиф этишса:

а) Улар билан бажонидил бирга бўласиз;

б) Ҳозир боргингиз келмаётганини, саёҳатни орқага суриб туришларини сўрайсиз;

в) Таклифларни зарда аралаш рад этасиз.

9. Эрингиз сиз ёқтирган овқатни хуш кўрмаса:

а) Шу овқатдан бир умрга воз кечасиз;

б) Айнан шу овқатни тез-тез тайёрлайсиз. Эрингиз кўникиб кетмагунча тўхтамайсиз;

в) Бу овқатни фақат ўзингиз учун тайёрлайдиган бўласиз.

10. Уйдагилар ёки дугоналарингиз билан орангизда жанжаллар келиб чиқса:

а) Албатта ўзингизни айблайсиз;

б) Уларни айблайсиз;

в) Ҳеч кимни айбламайсиз.

11. Дўконда тўсатдан сотувчи сизни ҳақорат қилди:

а) Индамайсиз. Чидайсиз;

б) Унинг иши ҳам осон эмаслигини баён қилиб, тинчлантирасиз;

в) Худди шундай ҳақорат билан жавоб қайтарасиз.

12. Ишга жойлашаётиб:

а) Маош қанчалигини очиқчасига суриштира олмасдингиз;

б) Бошлиқ билан савдолашардингиз;

в) Қулай шароит яратиб беришларини ошкора талаб қилардингиз.

НАТИЖАЛАР:

Агар сиз 1а, 2б, 3б, 4б, 5а, 6а, 7б, 8а, 9а, 10а, 11а, 12а жавобларни танлаган бўлсангиз, ҳар бирига 2, 1в, 2а, 3а, 4а, 5б, 6в, 7а, 8б, 9в, 10в, 11б, 12в жавобларнинг ҳар бири учун 1 баллдан ҳисобингизга ёзиб қўйинг.

16 ва ундан ортиқ балл. Сизнинг атрофдагилар билан муносабатлардаги шиорингиз: «Мен ўз манфаатларимдан воз кечиб, сизларнинг манфаатларингизни ҳимоя этаман». Сиздан бошқалар ўз мақсадлари йўлида осонгина фойдалана билишади.

9-15 балл. Сиз аввало ўз манфаатингиз, ундан сўнг бошқалар манфаатини ҳимоя этасиз. Ўзингиздан қайсидир мақсад йўлида фойдаланишларига йўл қўймайсиз.

9 ва ундан кам балл. Сизни ўзингиздан бошқа ҳеч ким қизиқтирмайди. Сиз билан тил топишиш жуда мушкул.


Ҳар биримиз нимадандир шубҳаланамиз. Чунки, шубҳаланмайдиган, иккиланмайдиган инсонлар кўпинча хатоларга йўл қўйишади. Иккиланиш, шубҳа эса аксар ҳолларда омад келтиради. Фақат бунинг ҳам меъёри бўлгани яхши. Келинг, қуйидаги тест ёрдамида ўзимизни текшириб олайлик.

1. Бошлиқ ҳеч кимга индамай деди: «Иш ўринларини қисқартириш керак…» Сиз:

а) Қайғуга ботасиз. Гап ўзингиз ҳақингизда бораётганига ишона бошлайсиз — 1 балл.

б) Эҳтиёт шарт бирор жойдан иш топиб қўйиш ҳақида ўйлайсиз — 2 балл

в) Гап ким ҳақида кетган экан дея бош қотирасиз — 4 балл

2. Эрингиз (хотинингиз) сизга диққат билан тикилиб туриб деди: «Ҳа, умр ўтиб кетяпти…» Сиз:

а) Қариб қолдиммикан деб ўйлайсиз — 1 балл

б) Нимани назарда тутганини суриштирасиз — 2 балл

в) Сиз ҳам унга тикилиб туриб сўзини маъқуллайсиз — 4 балл

3. Меҳмон уйингизда тайёрланган овқатдан татиб кўрди-ю, бошқа емади. Сиз:

а) Унга ёқмади шекилли деб ўйлайсиз ва сўрашга ҳам, овқатдан татиб кўришга ҳам қўрқасиз — 1 балл

б) Ўзингизча «Нима, сен ресторандамидинг?» деб қўясиз — 2 балл

в) Меҳмондан ҳаммасини батафсил сўрайсиз — 4 балл

4. Эрингиз (хотинингиз) уч кундан бери ишдан кеч қайтяпти. Сиз:

а) Демак, у бошқасини топиб олган. Эртам-кечми бу нарса бўлиши керак эди — 1 балл

б) Жаҳлингиз чиқади — 2 балл

в) Хайрият, ниҳоят кўпроқ иш ҳақида ўйлайдиган бўлибди — 4 балл

5. Сиз танишингизга ўзингиз ёзган шеърни ўқиб бердингиз. У бўлса бош қашиб қўйди. Сиз:

а) Уялганингиздан шеърингизни яшириб ташлайсиз — 1 балл

б) Хафа бўласиз — 2 балл

в) Эътибор берибдими, демак ёмон ёзмабсиз — 4 балл

6. Бир гуруҳ танишлар билан суҳбатлашиб ўтирибсиз. Улар сиз томоша қилмаган кино, ўқимаган китобингиз ҳақида сўзлаяпти. Сиз:

а) Ҳа, улар сизнинг шу қадар билимсиз эканингизга шаъма қилишяпти — 1 балл

б) Ўзингизни худди ҳаммасидан хабардордай тутасиз — 2 балл

в) Уларни мароқ билан тинглайсиз ва қўшимча билим олаётганингиздан қувонасиз — 4 балл

7. Баданингизга кутилмаганда тошма тошиб кетди. Сиз:

а) Дарҳол поликлиникага чопасиз — 1 балл

б) Хотиржам ишга кетасиз. Бир-икки кун кутишга аҳд қиласиз — 2 балл

в) Юқтирган «ярамас»ни қидирасиз — 4 балл

НАТИЖАЛАР:

7-11 балл. Сиз гўёки шубҳалар исканжасида қолиб кетгандайсиз. Ўзингизга нисбатан қалбингизда умуман ишонч ҳисси йўқ. Ҳар бир воқеа-ҳодиса сизда шубҳа уйғотади. Мустақил бир ишни бошлашдан олдин узоқ вақт икикиланиб юрасиз. Худо кўрсатмасин, бирор ерингизда кичик бир доғ пайдо бўлса, тамом, капалагингиз учиб, ўзингизни қаерга қўйишни билмай қоласиз. Гоҳ врачга, гоҳ табибга чопа бошлайсиз. Афсуски, бу одатингиз атрофингиздагиларга сира ёқмайди. Нима ҳам дердик. Сизни ўзгартириш жуда мушкул-да!

12-16 балл. Сизни ҳам ўта ўзига ишонган одам деб бўлмайди. Баъзида ўз фикрингизда туриб оласиз. Бахтга қарши, ўзингиз учун камдан-кам ҳолларда фойдали ишларни амалга оширасиз. Сиз кабилардан раҳбар чиқмайди. Лекин кўпинча яқинларингиз сизнинг маслаҳатларингизга қулоқ тутишади. Ягона камчилигингиз шуки, арзимаган кўнгилсизликни ҳам юракка яқин оласиз. Шу сабабли тез-тез саломатлигингиз ёмонлашиб туради.

17-28 балл. Нимадандир шубҳалансангиз ҳам бировларга сездирмайсиз. Лекин кўнгилсизликларингизга бошқалар сабабчи эканини биласиз. Бу одатингиз бир куни шу нарсага олиб келиши мумкинки, ёнингизда фақат лаганбардор шахслар қолади. Шундай экан, яхшиси, раҳбар лавозимидан воз кечинг. Акс ҳолда ички шубҳангиз туфайли ходимларнинг кўпчилигидан кечишингиз турган гап.

Муҳаббатда рашкчи эмассиз. Аммо севгилингиздан бироз шубҳаланиб қўйсангиз, зиён қилмасди. Аксинча, ҳаётингиз янада қизиқарли кечган бўларди.

Ushbu test pulga bo'lgan munosabatingiz haqida bilib olishingizga yordam beradi. Qarshingizda bir rasm. Tezkorlik bilan, ko'p o'ylamagan holda, ushbu rasmlardan birini tanlashingiz lozim.


1. Oila. Ushbu tasvirni tanlagan odamlar pulning hayotdagi asosiy resurslardan biri ekanligiga ishonishadi. Ular o'zlarining moddiy ahvollarini yaxshilash uchun uzoq vaqt va qattiq ishlashga tayyor.

Bundan tashqari, bunday shaxslar tez-tez o'ziga zarur xavfsizlik yostig'ini yaratadilar. Biroq, pul asosiy harakatlantiruvchi kuch emas. Bunday insonlar shaxsiy hayotini, oilasini, yaqinlarini qo'llab-quvvatlashni afzal ko'rishadi.

2. It bilan erkak. Bu holatda pulga bo'lgan munosabat biroz boshqacharoq. Pul faqatgina vosita sifatida qabul qilinadi. Asosiy vazifa – bu hukmronlik qilish. Ular juda kuchli shaxs va metin iroda va xarakterga ega.

Ular o'z prinsiplaridan hech qachon voz kechishmaydi. Tan olishlarini kutishadi. Shu sababli, ularning nuqtai nazari va haqqoniyligi og'izlarda ko'pirib yuraveradi.

3. Qizil ko'ylak kiygan ayol. Bu yerda hamma narsa umuman boshqacha. Bu tanlov hashamdorlarning tanlovi ekanligini bildiradi. Ular, birinchi navbatda, insonning ko'rinishiga e'tibor berishadi. Ular ommani hayratga solishni yaxshi ko'radilar.

Bunday odamlar uchun fikrlar juda muhim. Xushomadni sevadilar. Mavjud barcha mablag' osongina hashamatli narsalarga sarflanishi mumkin.


Биз ХXI асрда яшаяпмиз. Дунёнинг ҳар қаричида ҳаёт қайнайди. Хоҳлаймизми-йўқми, гоҳида асабийлашишга, қайғуришга мажбур бўламиз. Хўш, асабларингизни текшириб кўришни хоҳлайсизми? У ҳолда қуйидаги тест саволларига адолат билан ёндашган ҳолда жавоб беринг.

1. Нимадир харид қилиш учун узундан-узун навбатда туришни хоҳлармидингиз?

А) Ҳеч қачон (0 балл)

Б) Агар ўзим учун жуда керакли буюм бўлса, навбатда туришга мажбурман (6 балл)

В) Ундан кўра, узоқда бўлса ҳам бошқа дўконга йўл оламан (3 балл)

2. Телефон жиринглаб қолса, сесканиб кетасизми?

А) Ишда телефон қўнғироқларига шу қадар ўрганиб кетганманки, жиринглаганини сезмай ҳам қоламан (6 балл)

Б) Ҳа (0 балл)

В) Йўқ (8 балл)

3. Бошқа шаҳарга кетаётган бўлсангиз, поезд жўнашига қанча қолганда вокзалга етиб келасиз?

А) Бир соат олдин (3 балл)

Б) Қирқ беш дақиқа олдин (9 балл)

В) Ярим соат қолганда (0 балл)

4. Асабий, қайғуга ботган одамнинг ёнида турсангиз, унинг ҳолати сизга ҳам таъсир қиладими?

А) Агар у яқин кишим бўлса, таъсир қилади (4 балл)

Б) Агар муаммосини ҳал этиб бера олмасам (6 балл)

В) Бундай ҳолат ҳар доим таъсир қилади (1 балл)

5. Нима тўғрисидадир қаттиқ қайғураётганингизда саломатлигингиз ёмонлашадими?

А) Йўқ (8 балл)

Б) Бўлиб туради (5 балл)

В) Ҳа, кун бўйи ўзимга кела олмай юраман (0 балл)

6. «Вақти келиб ҳаммаси жойига тушади» деган гап сиз учун тўғрими?

А) Жуда тўғри (10 балл)

Б) Тўғри бўлса қанийди. Аммо мен бунга ишонмайман (3 балл)

В) Одамнинг ўзи аввало ҳаракат қилиши лозим (6 балл)

7. Мажлисга кеч қолсангиз, қалбингизда қандай туйғуларни туясиз?

А) Ҳаммаям кечикиши мумкин (8 балл)

Б) Кечиксам мажлисга кирмай қўя қоламан (0 балл)

В) Хижолат чекаман (6 балл)

8. Ишингиз кўпайгандан кўпайди дейлик. Иш кам пайтидагидан яхшироқ унадими ё аксинчами?

А) Яхшироқ унади (6 балл)

Б) Зўрға улгураман (0 балл)

В) Иш камлигида қандай ишласам, шундай ишлайвераман (10 балл)

9. Тиқилинчга тоқат қила оласизми?

А) Баъзида тоқат қиламан, баъзида йўқ (6 балл)

Б) Тоқат қила олмайман. Шу сабабли ҳам асабийлашаман (1 балл)

В) Менга фарқи йўқ (9 балл)

10. Бегона жойда яхши ухлайсизми?

А) Шароити ўзимга ёқса яхши ухлайман (6 балл)

Б) Шароити зўр бўлса ҳам барибир ухлай олмайман (1 балл)

В) Ҳар қандай жойда ҳеч нарса бўлмагандек ухлайвераман (10 балл)


НАТИЖАЛАР:

35 баллдан кам.

Сиз жуда нозик туйғулисиз ва шунинг орқасидан тез-тез азобланасиз. Бунинг сабаби нимадалиги ҳақида ўйлаб кўрганмисиз? Чунки, қўрқоқсиз, ўзингизга унчалик ишонмайсиз ёхуд сиз яшаб турган жойдаги муҳит сизга мос эмас. Агар шундай муҳит бўлганда, асабийлашмаган бўлардингиз. Барибир асабийлашган пайтларингизда бирор қарорга келишга шошилманг. Яхшиси, йигирмагача сананг. Ҳаммаси ўтиб кетади.

36-70 балл.

Сиз хотиржам инсонсиз. Камдан-кам ҳолларда асабийлашасиз. Тўғри, агар арзирли сабаб бўлса, сизни асабийлашишга мажбур этиш қийин эмас. Фақат аксар вазиятларда ҳар бир масалага тўғри баҳо беришингиз сизни мана шундай тасодифлардан асраб қолади.

71 ва ундан ортиқ балл.

Ҳа, асабларингиз темирдек мустаҳкам! Ўзингиз, керак бўлганда бошқаларни жаҳл қилишга, жазавага тушишга мажбурлашингиз мумкин. Башарти, суҳбатдошларингиз сизга ёқинқирамай қолса, шу лаҳзадаёқ ўртага кўринмас девор ўрнатасиз-у, хотиржам яшайверасиз. Бу ўзингизни бахтсиз ҳис этишга мажбурласа-да, лекин бир нарсани биласиз. Ҳеч ким ҳеч қачон ортиқча сўзларни айтолмайди ва тинчингизни буза олмайди.

Ҳаётнинг ўзи асабийликлардан иборат. Айнан шу туфайли турли касалликларга чалиниш ҳам ҳеч гап эмас. Агар инсон ўз саломатлигини асрашни чин дилдан хоҳласа, асаббузарликлардан қочиши лозим. Хўш, сизнинг асабларингиз қай даражада? Қуйидаги тест ёрдамида аниқлаб олинг.

1. Сиз учун кимдандир ёрдам сўраб мурожаат этиш қийин кечадими?

А) Ҳа, доим (3 балл)

Б) Тез-тез шундай бўлиб туради (2 балл)

В) Баъзан (0 балл)

Г) Ҳеч қачон (0 балл)

2. Кўнгилсизлик юз берса, узоқ вақт асабийлашиб юрасизми?

А) Ҳа (5 балл)

Б) Гоҳида (2 балл)

В) Камдан-кам (0 балл)

Г) Ҳеч қачон (0 балл)

3. Бўш вақтингизда ҳам муаммолар ҳақида бош қотирасизми?

А) Ҳамиша (5 балл)

Б) Тез-тез бўлиб туради (4 балл)

В) Баъзида (2 балл)

Г) Деярли ҳеч қачон (0 балл)

4. Кимдир қайсидир ишни эплай олмаётган бўлса, сизда унинг ўрнига шу ишни бажариш истаги туғиладими?

А) Ҳа (5 балл)

Б) Тез-тез шунақаси ҳам бўлиб туради (4 балл)

В) Баъзан (2 балл)

Г) Ҳеч қачон (0 балл)

5. Сизга бирор нимани ипидан-игнасигача тушунтираётган бўлишса, охиригача сабр билан тинглай оласизми?

А) Ҳа (4 балл)

Б) Бўлиб туради (3 балл)

В) Вазиятга боғлиқ (2 балл)

Г) Камдан-кам ҳолларда (1 балл)

Д) Йўқ (0 балл)

6. Кечқурун ўзингизни тартибга келтириб олиш учун қанча вақт ажратасиз?

А) Уч соатдан кўп (0 балл)

Б) 1-3 соат атрофида (0 балл)

В) Бир соатдан кам (2 балл)

Г) Бир дақиқа ҳам ажратмайман (4 балл)

7. Сизни «Доимо шошиб юради» дея баҳолаш мумкинми?

А) Ҳа (5 балл)

Б) Ростдан ҳам шошиб юраман (4 балл)

В) Ҳамма қатори шошаман (1 балл)

Г) Керак вақтда шошаман (0 балл)

8. Суҳбат пайтида айтмоқчи бўлган гапингизни олдиндан топиб турадиганлар бўладими?

А) Ҳа (5 балл)

Б) Шундай ҳодисаларни тез-тез кузатаман (4 балл)

В) Бўлиб туради (3 балл)

Г) Камдан-кам (0 балл)

Д) Ҳеч қачон (0 балл)

9. Сизга одамлар қачон қараса, зерикарли ва бўлмағур нарсалар ҳақида гапирадигандек туюладими?

А) Ҳа (5 балл)

Б) Тез-тез бўлиб туради (4 балл)

В) Гоҳида (1 балл)

Г) Деярли ҳеч қачон (0 балл)

10. Мазали таомдан юз ўгириш сизга қийин кечадими?

А) Ҳа (3 балл)

Б) Тез-тез (2 балл)

В) Баъзида (0 балл)

Г) Ҳеч қачон (0 балл)


НАТИЖАЛАР:

32 дан 44 баллгача.

Сизни асаббузарлик таъқиб этиш хавфи бор. Қон босимингизни ўлчатинг ва қон таркибидаги холестерин миқдорини текширтиринг. Ҳаётингизда албатта бурилиш ясашга уриниб кўринг.

17 дан 31 баллгача.

Ҳозирча сизда бундай хавф йўқ. Лекин асаббузарликлардан қочишда хотиржамликка эътибор қилинг. Барча ҳаяжонларни қалбингиздан ҳайданг.

17 баллгача.

Сиз ўзингиз хоҳлаган вақтда хотиржам яшай оласиз. Ҳар қандай асаббузарликлардан силлиққина қочасиз ва ақл билан иш тутган ҳолда суҳбатдошни ҳам танлай биласиз. Бўлар-бўлмас нарсаларга эътибор бериб ўтиришни ўзингизга эп кўрмайсиз.

0 балл.

Агар жавобларни чин юракдан белгилаган бўлсангиз, билингки, сиз учун энг катта хавф — ўта хотиржам, беғамлигингиз. Тан олинг, бу нарсадан ўзингиз ҳам зерикиб кетгансиз.

Одатда нозик ҳис-туйғу эгалари сифатида аёллар тилга олинади. Эркаклар хусусида эса бунинг акси гапирилади.
$CUT$
Аслида шундай эркаклар борки, уларни хафа қилиш, қувонтириш жуда енгил кечади. Шундай аёллар бор, аксинча, унча-мунча мушкулотни, кўнгилсизликни яқинига йўлатишмайди.

Сиз қуйидаги тест саволларига холисона жавоб берсангиз, аслида қандай инсон эканингиз аён бўлиб қолади.

1. Менинг ҳисларим тез-тез ўзгариб туради.

А) Йўқ — 1 балл

Б) Билмадим — 2 балл

В) Баъзида — 3 балл

Г) Шундай лаҳзалар ҳам бўлиб турса керак. Эслай олмайман — 4 балл

Д) Ҳа — 5 балл

2. Болаликдаги ҳис-туйғуларимни эслаш мен учун енгил кечади.

А) Йўқ — 1 балл

Б) Бўлиши мумкинмас — 2 балл

В) Баъзи жиҳатларни — 3 балл

Г) Билмадим — 4 балл

Д) Ҳа — 5 балл

3. Мени хафа қилиш жуда осон.

А) Асло — 1 балл

Б) Балки шундайдир — 2 балл

В) Гоҳида — 3 балл

Г) Билмадим — 4 балл

Д) Ҳа — 5 балл

4. Кўп вақтим орзуларга сарф бўлади.

А) Йўқ — 1 балл

Б) Унчалик эмас — 2 балл

В) Баъзан — 3 балл

Г) Қайдам — 4 балл

Д) Ҳа — 5 балл

5. Бадиий асарларда аниқлик бўлишини хоҳлардим.

А) Йўқ — 1 балл

Б) Мен бадиий адабиёт ўқимайман — 2 балл

В) Шундай бўлгани маъқулдир. Тағин билмадим — 3 балл

Г) Баъзан шундай талаблар тўғри бўлиб чиқади — 4 балл

Д) Худди шундай — 5 балл

6. Мажбурият тўлиқ ҳис этиладиган ташкилотни энг яхши ташкилот дейиш мумкин.

А) Қўшилмайман — 1 балл

Б) Бундай майда-чуйда нарсалар учун бош қотирмайман — 2 балл

В) Билмадим — 3 балл

Г) Шундай бўлса қанийди — 4 балл

Д) Ҳа — 5 балл

7. Ҳаётда ҳамманинг ўз ўрни бўлиши лозим.

А) Ҳечам-да — 1 балл

Б) Бу тўғрида ҳар ким турлича ўйлайди — 2 балл

В) Шу нарсани деб бош қотириш сира шарт мас — 3 балл

Г) Қайсидир жиҳатдан тўғри — 4 балл

Д) Ҳа — 5 балл

8. Одамлар билан жуда яқин бўлиб кетишга қўрқаман.

А) Йўқ — 1 балл

Б) Бу ишни амалга оширишдан олдин сал ўйлаб оламан — 2 балл

В) Баъзан — 3 балл

Г) Менинг яқин дўстларим камроқ — 4 балл

Д) Ҳа — 5 балл

9. Яхши ота-она ўзини боладай тута билиши лозим.

А) Йўқ — 1 балл

Б) Бу энди меъёрларга тўғри келмайди — 2 балл

В) Баъзида шундай бўлиши керакдир — 3 балл

Г) Билмадим — 4 балл

Д) Ҳа — 5 балл

10. Мен ўзимни жуда осонлик билан қайсидир бошқа бир жонзотга қиёслай оламан.

А) Йўқ — 1 балл

Б) Бўлиб туради — 2 балл

В) Бу ақлга сиғмайдиган иш-ов! — 3 балл

Г) Ким билсин? Бу ҳақда ўйлаб кўрмаган эканман — 4 балл

Д) Ҳақиқатан — 5 балл

11. Яқинларимдан кимнингдир бошига оғир савдо тушса, гўё шу савдо менинг бошимга тушгандай туюлади.

А) Йўқ — 1 балл

Б) Унчалик эмас — 2 балл

В) Баъзан — 3 балл

Г) Билмадим — 4 балл

Д) Ҳа — 5 балл

12. Бирор ишни бошласам, режага эмас, тафаккуримга суянаман.

А) Йўқ — 1 балл

Б) Унчалик эмас — 2 балл

В) Гоҳида шундай — 3 балл

Г) Билмадим — 4 балл

Д) Ҳа — 5 балл

13. Мен доимо бегоналарни туш кўраман.

А) Йўқ — 1 балл

Б) Умуман туш кўрмайман — 2 балл

В) Баъзан — 3 балл

Г) Ўйлаб кўрмаган эканман — 4 балл

Д) Ҳа — 5 балл

14. Гоҳида юриш-туришимга номаълум кучлар таъсир этаётгандек туюлади.

А) Йўқ — 1 балл

Б) Номаълум куч нима ўзи? — 2 балл

В) Бўлиб туради — 3 балл

Г) Билмадим — 4 балл

Д) Ҳа — 5 балл

15. Асабий ва босиқ одам орасида чегара бўладими?

А) Йўқ — 1 балл

Б) Тушунмадим — 2 балл

В) Бўлиши мумкин — 3 балл

Г) Балки бўлар — 4 балл

Д) Ҳа — 5 балл

16. Мен реалистман.

А) Йўқ — 1 балл

Б) Оз-моз — 2 балл

В) Баъзида реалистлигим тутади — 3 балл

Г) Билмадим — 4 балл

Д) Ҳа — 5 балл

17. Феъл-атворимга қараганда мен шоир бўлишим лозим эди.

А) Йўқ — 1 балл

Б) Унчалик эмас — 2 балл

В) Баъзан шундай деб ўйлайман — 3 балл

Г) Билмадим — 4 балл

Д) Ҳа — 5 балл

18. Баъзан мени орқадан кимдир чақираётгандек бўлади. Ўгирилиб қарасам ҳеч ким бўлмайди.

А) Йўқ — 1 балл

Б) Бунақаси бўлмаса керак — 2 балл

В) Баъзида — 3 балл

Г) Билмадим — 4 балл

Д) Ҳа — 5 балл.

Натижалар:

20 ва ундан кам балл.

Ҳис-туйғу негадир сизга бегонадек туюляпти. Атрофдагилар билан муносабатларни яхшиланг. Ўзгаларга яқиндан кўмак беришга одатланинг.

21-49 балл.

Ҳис-туйғуларингиз меъёрдан ошмаган ва камаймаган. Муомалани биласиз. Фақат баъзида асабийлашишни йўққа чиқарсангиз нур устига аъло нур бўларди.

50 ва ундан ортиқ балл.

Сиз жамиятнинг энг илғор кишиларидансиз. Кимдир хафа бўлса, ёки аксинча қувонса, албатта шериксиз. Бўшашманг!

Кўзларингиз қалбингиз ойнаси бўлса, демак қошларингиз ойнангизни мустаҳкамловчи тиргаклардир. Аслида қошларнинг тузилиши орқали инсонларнинг характерини билиб олиш мумкин.
Қуйида турли хилдаги қошларнинг шахсияти ҳақида сўз очамиз.

1. Одатий кўринишдаги қошлар
Ўрта кенгликдаги ва бир-биридан узоқ бўлган қошлар анъанавий қадриятларга бўлган содиқликни англатади. Шу билан бирга, сиз ҳаддан ташқари драматик ҳодисаларга таъсирчан эмассиз. Ҳар қандай жамоа олдида хурсандчилик ҳиссини уйғота оласиз.

2. Узун қошлар
Узун қошли инсонлар деярли ҳар қандай қийинчиликка бардош бера оладилар ва жуда хушмуомала инсонлар сирасига кирадилар. Улар жуда гўзал ички оламга эга. Агар сиз ушбу турга тегишли бўлсангиз, барча муаммоларингизни ўзингиз ҳал қилишга одатлангансиз ва камдан-кам ҳолларда уларни бошқалар билан баҳам кўрасиз.

3. Калта қошлар
Сиз кўпчилик нарсаларга диққат билан ёндашасиз ва ҳар қандай вазиятда ўзингизни дадил тута оласиз. Бошқаларнинг муаммоларини эшитишни ёқтирмайсиз, чунки баъзида ҳаётдаги қийинчиликларни енгиш ўзингиз учун ҳам қийин бўлиб туюлади. Сиз учун баъзида ҳеч қандай тоғ ҳам баланд бўлиб кўринмайди.

4.Қалин қошлар
Сиз ўзингизнинг ички кучингизга ва ташқи жозибангизга тўлиқ ишонасиз. Сизга ўхшаш инсонлар муаммоларни осонгина ҳал қила оладилар. Агар бирон бир муҳим ишга диққатингизни қаратсангиз, сизни ҳеч қандай куч бу ишдан тўхтата олмайди. Бошқалар сизни қандай ўйлашларига аҳамият бермайсиз.

5. Ингичка қошлар
Сизнинг ички оламингиз жуда нозик. Можароларга ҳеч ҳам аралашиб қолмайсиз. Сиз яхши тингловчисиз. Кўпчилик инсонлар сиздан маслаҳат сўраганда, қўлингиздан келганча ёрдам қўлини чўза оласиз.

6. Кўздан юқорироқ жойлашган қошлар
Сиз ўта таъсирчансиз. Бир кўришда инсонлар сиз ҳақингизда нотўғри фикрга эга бўлишади. Аммо, одатда ҳаммага ҳам ишонавермайсиз. Мукаммаллик ва ўзини ўзи танқид қилиш доимий ҳамроҳингиз.

7. Кўзга яқинроқ жойлашган қошлар
Сиз жуда ҳам хушмуомала инсонсиз. Ҳар қандай одам сизга ишона олади. Инсонлар билан тез ва осон чиқишиб кетасиз. Айниқса, бошқа инсонлар билан жиддий ва узоқ давом этадиган муносабатлар ўрната оласиз.

8. Учбурчаксимон қошлар
Учли қош шакли сизнинг жўшқинлигиздан дарак беради. Ҳолатни тезликда таҳлил қилиб, тез қарор қабул қиласиз. Табиатан лидерлик қобилиятига эгасиз. Ҳар қандай масъулиятни бўйнингизга олишдан уялмайсиз.

9. Думалоқсимон қошлар
Сиз жуда ҳам меҳрибонсиз ва эътибор талаб қиласиз. Кимга ёрдам керак бўлса, доимо шайсиз.

10. Рангсиз қошлар
Сиз ўзингизга тўлиқ ишонмайсиз. Кўп иккиланасиз. Негадир уятчанлик сизни ҳеч тарк этмайди. 

Ҳаётда мустақил фикрга эга бўлиш, ҳар бир қарорни ўзингизгагина суянган ҳолда қабул қилишнинг фойдали жиҳатлари кўп. Хўш, сиз-чи? Ўзгаларнинг кўмагисиз ҳам яшай оласизми? Ушбу тест орқали ўзингизнинг қанчалар мустақил эканингизни текшириб кўринг.

1. Мактабни битиргач, келгуси ҳаёт тўғрисида кимдан фикр олгансиз?

А) Ўзим мустақил равишда бир қарорга келганман.

Б) Ота-онамдан маслаҳат сўраганман.

В) Яқин дўстлар билан маслаҳатлашганман.

2. Олий ёхуд ўрта махсус билим юртига ниманинг ҳисобига киргансиз?

А) Ўз кучим, билимимга таянган ҳолда.

Б) Омадга ишонганман.

В) Таниш-билишлар ёрдамида.

3. Ўқиш давомида имтиҳонларга қандай тайёргарлик кўргансиз?

А) Тинимсиз ўқиб, изланганман.

Б) Бирга ўқийдиган курсдошлардан кўмак сўраганман.

В) Ташқаридан ёрдам олганман.

4. Ишга қандай жойлашгансиз?

А) Ўқув юртининг йўлланмаси билан.

Б) Бориб гаплашиб, синовдан ўтиб жойлашганман.

В) Таниш-билишлар кўмагида.

5. Ишда муаммо туғилса, қандай ҳал этасиз?

А) Тажрибамга суянган ҳолда йўл тутаман.

Б) Ҳамкасбларга маслаҳат соламан.

В) Уйдагиларни, дўстларни безовта қилишга мажбур бўламан.

6. Ёстиқдошингиз билан турмуш қуришдан олдин нимага асослангансиз?

А) Қалбимга қулоқ тутганман.

Б) Яқин кишиларнинг маслаҳатларига амал қилганман.

В) Танлаганимни ота-онамга кўрсатиб, уларнинг розиликларини олганман.

7. Турмуш ўртоғингиз олис сафарда бўлса, оила билан боғлиқ масалаларни мустақил ҳал эта оласизми?

А) Ҳа, албатта.

Б) Қўлимдан келади, аммо турмуш ўртоғим қайтгунча бу масалалаларни ортга суриб тураман.

В) Йўқ.

8. Ўсмирлигингизда ўз фикрингизни бошқаларга ўтказишга уринганмисиз?

А) Ҳа.

Б) Ўтказсам бўларди, бироқ ота-онамнинг ҳурмати учун тилимни тишлаганман.

В) Ҳеч қачон бошқаларга фикримни ўтказмаганман.

9. Ҳозирги кунда ишдами, ўқишдами ҳамкасбларга, дўстларга фикрингизни ўтказа оласизми?

А) Бу вазиятга боғлиқ.

Б) Ўзим учун фойдали бўлса, албатта ўтказаман.

В) Камдан-кам ҳолларда.

10. Шахс сифатида ишда, жамоатчилик ишларида ўсяпман деб ўйлайсизми?

А) Доимо ўсишга интиламан ва шу билан бирга ўзимга ёққан юмушни адо этаман.

Б) Бу масалалада ҳам яқинларимга суянаман.

В) Ўсиш учун ҳам таниш-билиш зарур.

11. Яқинларингиз, турмуш ўртоғингиз соғлиғига зарар етказаётганини кўрсангиз, қандай йўл тутасиз?

А) Саломатлигини биринчи даражага қўйишларини талаб қиламан.

Б) Қўлимдан келганча маслаҳатлар бераман.

В) Албатта, қайсидир жиҳатдан ёрдам берган бўлардим. Афсуски, ҳамиша ҳам бундай имконият туғилавермайди. Кечикаман.

НАТИЖАЛАР:

Ҳар бир «А» жавоб учун ўзингизга 4 балл, «Б» жавоб учун -2, «В» жавоб учун 0 балл қўйинг.

30 дан 44 баллгача.

Мустақил бўлиш жони дилингиз ва доимо шундай бўлишга уринасиз. Бунинг учун билимингиз ҳам, тажриба, имкониятларингиз ҳам етарли. Бировларнинг маслаҳатига тоқат қила олмайсиз. Лекин бир умр шундай бўлиб қолишингизга ишончингиз комилми? Ўйлаб кўринг. Чунки, ҳаёт барибир ўнқир-чўнқирлардан, тўсиқлардан иборат.

15 дан 29 баллгача.

Сизни ҳам мустақил, ўзига ишонган шахс сифатида таъриф этса бўлади. Сиз ишончли дўст, феълингиз кенг ва асабий ҳолатлардан қандай чиқиб кетишни биласиз. Шунга яраша, бошқаларнинг ҳам фикрларини ҳурматлайсиз. Шунинг учун бўлса керак, сизни таниган, билганлар жуда қадрлашади.

0 дан 14 баллгача.

Афсус, мустақил бўлишга болаликдан ўрганмаган экансиз. Кимнингдир маслаҳатларисиз, кўмагисиз бирор ишни амалга ошира билмайсиз. Ўзингизга ишонч ҳисси умуман йўқ деса бўлади. Илтимос, ўзингизча фикр юритишга, қалбингизга қулоқ солиб яшашга интилинг. Фойдадан холи бўлмайди.


Вход на сайт
Логин:
Пароль:
Корзина
Ваша корзина пуста
Malumot Izlash
-------


Yangi Musiqalar:
Mirjon Ashrapov va Sherxon - Ot dushi kayf

Benom - Kechagi kun

Setora - Ajdodlar ruhi (1998-2006)

Dildora Niyozova - Oxirgi kun

Shohruhhon - Aida

Shahzoda va Nilufar Usmonova - Mayda - Mayda

Otabek Mutalhujaev - Gulduhtaron

VIA Marokand - Yakkasaroy (Video KLIP va MP3)

Farruh Komilov - Pariro'y

Imron va Dilan Tatlises - Yolg'iz


FOYDALI MASLAHATLA
BEPUL REKLAMA
Hazil;)
>>> REKLAMA QO'SHISH
YANGI KINO FILMLAR










Друзья сайта
  • www.SheJoT.CoM
  • www.Horazm.NeT
  • UzbKino.NeT
  • www.Sherlaruz.com
  • www.Uzstars.BiZ
  • www.24soat.com
  • www.Sherlar.org
  • Copyright Zamonaviy.com © 20014-2019