Собиқ давлат раҳбарининг сўзларига кўра, у «Толибон» ҳаракати 15 август куни кутилмаганда шаҳарга кирганидан сўнг 90 йиллардаги фуқаролар уруши пайтида кўча-кўйда бўлган жанглар яна содир бўлиш хавфи борлигини айтган сарой қўриқчиларининг гапи билан кетган.
«Кобулдан кетиш ҳаётимдаги энг қийин қарорлардан бири бўлди, лекин мен бу қарор Кобул ва унинг 6 миллион фуқаросини қутқаришнинг ягона йўли эканига ишонардим. Мен ҳаётимнинг 20 йилини афғон халқига демократик, гуллаб-яшнаган ва суверен давлат қуриш йўлида ёрдам беришга бағишладим — мен ҳеч қачон халқдан ёки бу қарашдан воз кечиш ниятида бўлмаганман» — дея таъкидлаган у.
Собиқ президентнинг ёзишича, ҳозир у кетишидан олдинги воқеаларга баҳо берадиган вақт эмас.
«Мен яқин келажакда содир бўлган воқеаларга батафсил тўхталиб ўтаман. Лекин ҳозир Кобулдан кетаётганимда афғон халқига тегишли миллионлаб долларларни олиб кетганим ҳақидаги асоссиз даъволарни ҳал қилишим керак. Бу айбловлар мутлақо ёлғон. Коррупция — вабо, мамлакатимизни ўнлаб йиллар мобайнида ногирон қилиб қўйди ва коррупцияга қарши кураш менинг президентлик фаолиятимнинг асосий йўналиши бўлди», дея қайд этган собиқ президент ўзининг барча активлари, шунингдек, рафиқасининг оилавий мероси ҳақидаги маълумотлар ҳамиша очиқ бўлганини айтган ҳолда.
Маълумот учун, «Толибон» ҳаракати 15 августда Афғонистоннинг барча ҳудуди устидан назорат қилаётганини хабар қилган. Мамлакат президенти бўлган Ашраф Ғани Афғонистондан қочиб кетган. Дастлаб унинг Тожикистонда, кейинчалик Ўзбекистонда экани айтилган, аммо давлат раҳбари БААда экани маълум бўлган. Ғани афғон халқига мурожаат қилиб, ўзининг кетиш сабабини очиқлаган. Унга кўра, у мамлакатда ортиқча қон тўкилишини хоҳламаган. Кейинчалик Ғани Афғонистонни тарк этаётганида ўзи билан ғазнадан 169 миллион доллар пул олиб кетгани айтилган. Афғонистоннинг қочган президенти буни рад этган ва ўзи билан нималар олиб кетганини маълум қилган.
Manba: Zamonaviy.CoM -Saytdan olindi.
Ushbu ma'lumot #uznews, #habarlar, #newsuz, #новости, #Yangiliklar, #Yangilik, #ahborot, #xabarlar, #news dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|