Болалигимизда кўпчилигимиз сулили бўтқа ейишга мажбур бўлганмиз: уйда, болалар боғчасида, бувимизникида нонуштага. Энди, улғайгандан сўнг, нонуштамиз тўйимли ва фойдали бўлишини истаймиз. Шундай экан, болалигимиздаги сули бўтқасини эслашнинг пайти келмадимикин?
Кўпчилик "сули” деган сўзни эшитиши билан дарров болалигини эслайди: болалар боғчасидаги ўртоқлар ёки ака-укалар даврасидаги нонушта. Бироқ сули бизга болалик билан боғлиқ ёқимли хотираларни эслатибгина қолмайди, у соғлик учун фойдали ҳам.
Кўп давлатларда сулига ўзгача эътибор берилади. Масалан, АҚШда ҳатто сулига бағишланган фестиваль ҳам мавжуд, у уч кунга яқин давом этади.
Нонуштадаги сули бўтқаси — омадли кун гарови
Сулида эрийдиган ва эримайдиган озиқ толалар мавжуд. Эрийдиган толалар қондаги холестерин миқдорини камайтириб, глюкоза даражасини меъёрига келтиришга ёрдам беради. Эримайдиган озиқ толалар ичак ишини яхшилайди. Кунни сулидан бошлаш — бу соғлик учун жон куйдиришнинг ажойиб усули.
Сули — бу енгил ва уйғунлаштирилган нонушта. Бир коса қайнатилган сули клетчатка ва оқсилнинг кунлик меъёрининг 20 фоизи билан таъминлайди. Сулини мева, реза мева, ёнғоқ, бодом, сариёғ билан аралаштириш мумкин. Бу тўлақонли ва тўйимли нонушта сизни тушликкача бошқа нарса ейишдан асрайди.
Сулида темир, магний, фосфор, селен, рух, марганец ва тиамин мавжуд.
Сулидаги лигнанлар юрак-қон-томир касалликлари ривожланиши хавфини камайтиради.
Сули иштаҳа ва вазнингизни назорат қилишга ёрдам беради, чунки у унли маҳсулотлардан кўра кўпроқ тўқ тутади.
Албатта, болаликдаги ёқимли хотираларни эсга соладиган сулидан бошқа маҳсулотлар ҳам бор. Лекин эҳтиёт бўлинг: дўкондан олмали пирог сотиб олсангиз, билингки, у бувингиз ёки онангиз пиширган пирогдан анча фарқ қилади.
Manba: Zamonaviy.CoM -Saytdan olindi.
Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|