Бухоро вилояти Ғиждувон туманидаги №31- ўрта мактабнинг 9- синф ўқувчиси Фатхиддин Тошпўлатовни сув тортадиган насос ўғирлашда айблаб милиция бўлимига олиб кетишган ва қийноққа солишган.
Аслида воқеа бундай бошланганди. «Шўрча» қишлоғида яшовчи Дилдора Раупова исмли аёлнинг уйидан сув тортадиган насосни ўғирлаб кетишган. Аёл дарҳол милицияга хабар берган. Милиция ходимлари Фатхиддиндан гумонсираб мактабга боришган ва ўша ердан уни милиция бўлимига олиб кетишган. Аслида вояга етмаган болани фақат ота-онасининг рухсати билангина милицияга олиб кетиш мумкин. Милиция ходими Мурод Шарипов мактаб директорига боланинг ота-онаси хабардорлиги, ҳозир улар бўлимда эканини айтиб, ёлғон гапирган. Бу ёлғонга директор ишонган. Шунда ҳам ўқувчини жисмоний тарбия муаллими кузатуви остида жўнатган. Кейинчалик маълум бўлдики, Фатхиддиннинг ота-онаси бу воқеалардан бехабар бўлган. Қолаверса, милиция бўлимига келишгач, жисмоний тарбия муаллимини ичкарига киритишмаган. Фатхиддинни олиб кириб кетишган. Тергов 1 соатдан кўпроқ вақт давом этган. Шу орада ўқувчининг ота-онаси ҳам синфдошлардан нима бўлганини эшитиб етиб келган.
Ниҳоят тергов жараёни тугаб Фатхиддин чиқиб келган.
— У нуқул йиғларди, — дейди Фатхиддиннинг онаси Маҳлиё Фозилова. — Айтишича, уни калтаклашибди. Айбини бўйнига олишни талаб қилишибди. Менинг болам азбаройи қўрқиб кетганидан депрессияга тушиб қолибди…
Фатхиддинни ота-онаси суд тиббий экспертизага олиб кетди. Аммо мутахассис йўқлиги боис бу амал бажарилмади. Уйга келгач, кечаси Фатхиддиннинг аҳволи оғирлашган. Касалхонага ётқизишган. Врачлар унга зудлик билан психолог ёрдами кўрсатилиши зарурлигини айтишган. Агар ўз вақтида ёрдам кўрсатилмаса, депрессия болани ўз жонига қасд қилишга ундай бошлаши муқаррарлигини уқтиришган. Ҳозирги пайтда бу иш билан маҳаллий прокуратура ходимлари шуғулланмоқда.
Гап келганда шуни айтиб ўтиш жоизки, кейинги пайтларда куч ва қудратга эга ташкилотлар ходимлари оддий одамларни одам ўрнида кўрмай қўйган. Баъзилари ҳе йўқ бе йўқ фуқароларни изсиз йўқ қилиб юбориш билан қўрқитади. Бошқалари ҳақоратлашдан ўзини тия олмайди. Яна учинчи бири оддий одамларнинг ҳақини еб ҳам бир туки қилт этмай яшайверади. Нима бўляпти ўзи? Наҳотки, республикамизда инсон ҳуқуқлари шу қадар қадрсизланиб, оёқости бўлиб кетган? Охири нима бўлади? Бунисини энди худо билади.
Астағфирилло!!!
Manba: Zamonaviy.CoM -Saytdan olindi.
Ushbu ma'lumot hordiq.uz dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|