Веб-дизайнер Эрик Мейер ўзининг блогида Facebook’нинг автоматик тарзда ишловчи алгоритми "шафқатсиз совуққонлик” билан унга унинг қизининг ўлими ҳақида эслатгани ҳақида 24 декабрь куни маълум қилди. Бир неча кун ўтиб бу мавзу матбуотда кенг муҳокамага сабаб бўлди, ижтимоий тармоқ вакиллари эса қизнинг отасидан расмий тарзда кечирим сўрашди, дея хабар бермоқда TJ.
"Совуққон алгоритмик шафқатсизлик” деб номланган бу хабарда Мейер унинг лентасида қандай қилиб Facebook’даги саҳифасидаги контент асосида, ўз йили натижаларига якун ясаш ҳақидаги автоматик тарздаги таклиф пайдо бўлгани ҳақида айтиб ўтди.
Бундай "таклифномалар”ни ижтимоий тармоқнинг кўпгина фойдаланувчилари олишган. Бундай таклифномаларни яратиш учун ушбу алгоритм саҳифадаги энг оммабоп расмни олиб, уни байрам кечасида рақс тушаётган ва кўнгилчоғлик қилаётган одамчалар тасвирланган рамкага солган.
Мейернинг вазиятида тизим унинг ўз туғилган куни 7 июнда, 6 ёшда оламдан кўз юмган қизини танлаб олган. "Эрик, мана сенинг йилинг қандай бўлди” деган ёзуви бор бўлган ушбу суратни кўрган юраги дард-аламга тўла Эрикнинг яраси қайтадан янгиланди.
Мейернинг таъкидлашича, у атайлаб йил бўйича якунловчи натижани кўришдан ўзини олиб қочган, бироқ Facebook’нинг фойдаланувчиларга у тўғрисида эслатувчи тизими шафқатсиз бўлиб чиқди.
"Ҳа, менинг йилим айнан шундай кўриниш олди. Жуда ҳақчил. Менинг йилим кичик қизчамни ҳозирда йўқ бўлган чеҳраси каби бўлди. Бироқ менга буни бундай қатъийлик билан эслатишга уриниш – яхши иш эмас”, – деб айтиб ўтди Мейер.
27 декабрь куни Facebook Мейердан расмий тарзда узр сўради ва унга бу муаммога эътиборни қаратишга вақт топгани учун ташаккур изҳор қилди.
Декабрь ойида Марк Цукербергнинг ижтимоий тармоғи бу муаммони ҳал қилиш мақсадида махсус "Ҳамдардлик жамоаси”ни тузди. Унинг вазифаси Facebook нинг хизматлари кўпроқ одамгарчиликка яқинроқ бўлишини таъминлашдан иборат. Ўшандаёқ компания ходимлари ўз мижозларини эндиликда "фойдаланувчи”лар эмас, "инсонлар” деб аташлари ҳақида маълум қилишди.
Manba: Zamonaviy.CoM -Saytdan olindi.
Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|