Немисларнинг Carplane компанияси Фридрихсхафендаги авиашоуда биринчи парвози ёзда амалга ошиши керак бўлган учар автомобиль прототипини намойиш қилди. Янги моделнинг ажойиб ўзига хос жиҳати шундаки, унинг бундай транспорт воситалари учун ностандарт кўринишдаги икки фюзеляжли конструкцияси бўлди. Бу ҳақда Aviation Week нашри хабар бермоқда.
Ишлаб чиқувчиларнинг айтишича, ушбу архитектура машинага ерда ҳаракатланишда яхши бошқарувчанликни таъминлайди. Бунда машинанинг йиғилувчи қанотлари фюзеляжлар орасидаги бўшлиқда сақланади, бу эса юқори тезликларда кўтариш кучининг пайдо бўлиши ҳолини истисно қилади. Бундан ташқари, қанотлар кузов бўйлаб йиғилганда хавф туғдириши мумкин бўлган кучли ёнлама шамолнинг салбий таъсири эҳтимолини камайтиради.
Бу конструкция Smart компакт-каридан олинган 15-дюймли ғилдираклардан фойдаланиш имконини берди. Қўш фюзеляж тузилиши парвоз пайтида ғилдиракларнинг салбий аэродинамик қаршилигини минималлаштиради.
Автомобиль-самолёт 151 от кучига эга 850 куб сантиметр ҳажмли, турбирланган икки цилиндрли двигатель билан жиҳозланган. Двигатель ноэтиллаштирилган бензинда ишлайди. Двигатель етти поғонали ўзига хос трансмиссия билан биргаликда ишлайди.
Трансмиссиянинг бешта узатиши юриш учун (тўртта олд ва битта орқа) мўлжалланган, олтинчи узатиш парвоз пайтида винтга айлантириш лаҳзасини узатади, еттинчиси эса тез парвоз қилиш учун пропеллер ва ғилдиракларни ҳаракатга келтиради. Машина кўтарилиб олиши учун 80 метрга яқин масофа, қўниб, тўлиқ тўхташига тахминан яна шунча масофа талаб қилинади.
Gizmag нашрининг таъкидлашича, учар автомобилнинг парвоз узоқлиги 833 километрни, энг юқори баландлиги 4570 метрни ташкил қилади. Автомобилнинг парвоздаги крейсер тезлиги соатига 200 км, юришдаги максимал тезлиги эса соатига 176 километрни ташкил қилади.
Намой иш қилинган прототипда қанотлар қўл ёрдамида ечилиб, ўрнатилади. Бироқ Carplane қанотларнинг автоматик равишда йиғилиши ва очилиши учун механизм ишлаб чиқди. Учар автомобилнинг биринчи ҳолдаги оғирлиги 750 кг, иккинчи ҳолдаги оғирлиги эса 795 килограммни ташкил қилади.
Учар автомобиль Европа Иттифоқи ва Қуйи Саксония ерлари ҳукумати томонидан молиялаштирилмоқда. Қурилманинг ишчи варианти июлга тайёр бўлиши кутилмоқда, сўнгра хорижий инвесторларни жалб қилган ҳолда уни сертификатлаштириш ишлари бошланади. Тахмин қилинишича, машина 2018 йилга қадар тегишли сертификатларга эга бўлади.
АҚШнинг Terrafugia фирмаси айни пайтда учар автомобиллар ишлаб чиқарувчи энг таниқли компаниялардан бири ҳисобланади. 2009 йилда америкалик ишлаб чиқарувчилар ўзларининг илк Transition моделини намойиш қилишган. Бу модель "енгил спорт самолёти” сифатида сертификатлаштирилган. Ҳозирда компания гибрид куч қурилмаси ва вертикал кўтарилиш тизимига эга машинани яратиш устида иш олиб бормоқда.
2014 йилнинг кузида Словакиянинг Transition фирмаси учар автомобилнинг такомиллашган прототипини намойиш қилган эди. Автомобиль Венадаги фестивалда намойиш қилинган ва у ерда кўргазмали парвоз амалга оширган эди.
Manba: Zamonaviy.CoM -Saytdan olindi.
Ushbu ma'lumot http://kun.uz/ dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|