Biologik va garmonal o’zgarishlar hisobiga homiladorlikning dastlabki uch oyligida ayol jinsiy mayli anchagina pasayadi. Ayrim olimlar buni homiladorlikka bog‘liq qo‘rquv instinkti bilan bog‘lashadi. Chunki odatdagidek kechadigan jinsiy munosabat ayol va homilaga xatar tug‘dirishi, masalan, qon ketib, homila tushib qolishi ham mumkin. Ammo shu davrda ham ayrim ayollarda jinsiy istak kuchayishi kam bo‘lsada uchraydi. Homiladorlikning 4-7 oylarida yana aksar ayollarda jinsiy xohish kuchayishi kuzatiladi.
Homiladorlikning 8-9 oylarida yana vaziyat o‘zgarib, jinsiy mayl susayadi. Bu holat homilador ayoldagi tug‘ruq oldi charchoqlari bilan bog‘liq.
Umuman olganda, homiladorlikning dastlabki uch oyida jinsiy munosabatlarni keskin kamaytirish, jimoda ham ehtiyotkor bo‘lib, shiddatkorlikni pasaytirish tavsiya etiladi.
Ayol homiladorlik payti ham "hayz taqvimi”ni belgilab borishi lozim. Chunki, odatda hayz jarayoni ro‘y beradigan muddatda bachadon tashqi ta’sirotlarga o‘ta sezuvchan bo‘lib qoladi. Shu bois, jinsiy yaqinliklar natijasida qon ketishi yoki homila tushib qolishi mumkin. Qovushishda erkak og‘irligi ayolga tushmasligi o‘ta muhim.
Quyidagi hollarda homiladorlikning qaysi muddati bo‘lishidan qat’iy nazar, jinsiy munosabat ta’qiqlanadi:
Agar homilador ayol nozik va kasalmandroq bo‘lsa;
Agar ayolda oldingi homilalar tushib qolishi ro‘y bergan bo‘lsa;
Agar oldingi jimolardan so‘ng qindan ajralma yoxud suyuqlik kelishi ro‘y bergan bo‘lsa;
Jinsiy munosabatdan so‘ng sababsiz qon ketishi muqaddam ro‘y bergan bo‘lsa;
Jimo noxush tuyg‘u yoxud og‘riq bilan kechishi kuzatilsa;
Jimoda lazzatlanish to‘lg‘oq paydo bo‘lishiga moyillik tug‘dirsa;
Yo‘ldosh oldda joylashganligi yoki homila atrofidagi suyuqlikning barvaqt ketib qolishi xavfi tug‘ilsa (bu skrining tashhisiyoti uslubi bilan aniqlanadi) jinsiy munosabat keskin to‘xtatib turiladi.
Tug‘ruqdan ikki oy oldin jinsiy hayot mutlaqo to‘xtatilishini tibbiyot tavsiya etadi.