Голливуд актрисасининг хушбичим кўриниш сири нимада эканлигини биласизми? Биз буни аниқладик! Марҳамат, Камерон ДИАС нинг машғулотлар дастури билан танишинг!
1-қадам:
Оёқларни елка кенглигига мосланг. Аста-секин пастга энгашинг. Қўлларингиз полга теккач, оёқни ҳаракатлантирмай, кафтингиз билан «қадам» ташланг. 3 сония шу ҳолатда тургач, қаддингизни ростлайсиз. Машқ 10 марта бажарилади.
2-қадам:
Тик турган ҳолатда гантелларни қўлга олинг. Бир оёқни ён тарафга ёзиб, бўкса билан пастга энгашинг. Бунда қўллар ҳам пастга туширилади. Сўнг яна кўтариласиз. Машқ ҳар бир оёқда 4-5 мартадан бажарилади.
3-қадам:
«Тўрт оёқлаб» туринг. Чап қўлингизга машқ гантелини олиб, ўнг оёқни текисланг-да, юқорига кўтаринг. Машқни бир оёқда 10 марта бажаргач, ҳолатни ўзгартирасиз. Эндиги гал ўнг оёққа.
4-қадам:
Полдан тортилиш машқини бажарамиз. Бунда ҳам машқ гантелларидан фойдалансангиз, қўл мушакларига юклама тушиши ортади. Чап қўлингиздаги машқ гантелини белга яқинлаштирган ҳолатда кўтариб, туширасиз. Машқни ҳар бир қўлда 5 мартадан бажариш кифоя.
5-қадам:
Куракка ётиб, тиззаларни букинг. Аввал ўнг оёқни юқорига кўтариб, туширинг. Сўнг чапини ишга туширасиз. Машқ ҳар бир оёқда 6 мартадан бажарилади.
6-қадам:
Чап ёнбошингизга жойлашинг. Тана оғирлигини тирсакка ташлаб, ўнг оёқ ва қўлни юқорига кўтаринг. Машқни ҳар бир оёқда 8 мартадан такрорлайсиз.
Manba: Zamonaviy.CoM -Saytdan olindi.
Ushbu ma'lumot darakchi.uz dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|