Зарур масаллиқлар: 350 гр. мол гўшти, 250 гр. товуқ гўшти, 200 гр. дудланган гўшт, ярим стакан тузланган карам суви, 1/3 стакан гуруч, 2 дона тузланган бодринг, 1 бош пиёз, 1 дона сабзи, 1-2 дона картошка, 1 ош қошиқ томат, 1-2 бўлак саримсоқпиёз, консерваланган зайтун меваси, қора ва қизил мурч, кўкатлар, туз.
Тайёрланиши: 1. Қозонга ярмидан кўпроқ қилиб, сув солинг. Товуқ гўштини 20 дақиқа қайнатинг. Юзидаги кўпикни олишни унутманг.
2. Мол гўшти, дудланган гўшт ва тузланган бодрингни сомонча шаклида майдалаб тўғранг. Товуқ гўшти қайнаётган шўрвага гўшт маҳсулотларини солиб, қайнатинг.
3. Гуручни ҳам ювиб, таомга қўшинг. Истакка кўра, картошкани ҳам тўртбурчак шаклда тўғраб, солиш мумкин.
4. Пиёзни майдалаб тўғраб, қиздирлиган ўсимлик ёғида қовуринг. Қирғичдан ўтказилагн сабзи ва томатни қўшиб, оловни пасайтиринг. Майдаланган саримсоқпиёзни солиб, 5 дақиқа қовуринг. Сўнгра шўрвага қўшинг.
5. Шўрвага тузланган бодринг, айлана шаклда тўғралган зайтун меваси ва тузли сувни солиб, 10 дақиқа паст оловда қайнатишда давом этинг. Туз, мурч сепинг. Майдаланган кўкатларни ҳам солиб, яна беш дақиқа қайнатинг. Таомни косаларга сузгач, бир бўлак лимон ва 1 ош қошиқ сметана билан дастурхонга тортсангиз бўлади.
Тайёрланиш вақти: 1 соат.
4 кишилик.
Manba: Zamonaviy.CoM -Saytdan olindi.
Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|