"Ниҳол” мукофоти совриндори хонанда Манзура ижодига 18 йил тўлиши муносабати билан 1-2-3 феврал кунлари "Истиқлол” санъат саройида илк яккахон концерт дастурини тақдим этаётгани ҳақида хабар берган эдик. Биз концертнинг биринчи кунидан репортаж тайёрлагандик лекин 3 февраль тонгида эса концертнинг учинчи куни бекор қилингани маълум бўлди.
Концертнинг иккинчи куни, яъни 2 февраль куни концерт дастуридан сўнг тоби қочган Манзурани "Истиқлол” санъат саройидан "Тез ёрдам” машинаси олиб кетди. Маълумотларга кўра, бунга юрак хасталиги сабаб бўлган. Хонанданинг аҳволи ҳақида ҳозирча ҳеч қандай маълумот йўқ. Концерт ташкилотчилари ва хонанданинг маъмури чипта олган мухлисларнинг пуллари қайтарилаётганини маълум қилди. Маъмурнинг сўзларига қараганда концертнинг иккинчи куни туш вақтида Манзуранинг тоби қочиб қолган. Ҳатто шифокорлар кўриги сабаб концерт бироз кеч бошланган. Концерт охирида эса яна "Тез ёрдам”га мурожаат қилишга тўғри келган.
Энг хит қўшиқлар куйланди
Умуман олганда хонанда Манзуранинг ижоди ҳақида сўз кетганда унинг 18 йилдан буён "Истиқлол” санъат саройида бирор марта ҳам концерт бермагани таажжубли, албатта. Ҳолбуки концерт беришга сабаблар ва хит тароналар Манзуранинг ижодида керагидан ортиқ. Хонанда илк концерт дастурида шу вақтгача хит бўлган энг сара қўшиқларини куйлади. "Афсусдаман”, "Сени-сени”, "Аламларимсан”... Хуллас, бу қўшиқларнинг барчаси залдаги томошабинларга ёд бўлиб кетган. Доимий равишда клуб қўшиқларини ижро этган Манзуранинг "Жанон бўламан”ни куйлаши эса томошабинларга чинакам янгилик бўлди.
Кутилган аммо куйланмаган дуэт
3 та блокдан иборат концерт дастурининг ҳар бир блокида раққосалар гуруҳи саҳнани тарк этмай қўшиқларга мос театрлаштирилган рақсларни намойиш этди. Ўзбекистонда хизмат кўрсатган артист Мавлуда Асалхўжаева, хонанда Улуғбек Раҳматуллаев ҳамда "Божалар” гуруҳи билан қулоққа таниш бўлган дуэтлар ҳам концертдан ўрин олди. Лекин, кўпчилик Манзурадан хонанда Бунёдбек Саидов билан бўлган дуэтни кутганди. Аммо дуэт концертда жаранг сочмади.
Декорация устида ҳам ўз ишининг моҳир усталари ишлаган дейиш мумкин. Битта концертда икки марта декорация ўзгаришини шу вақтгача бошқа санъаткорларнинг концертида кузатилмаган эди.
"Гумдон” гуруҳи концертни қиздирди
Дастурни Акмал Мирзо, Жаҳонгир Позилжонов ҳамда Даврон Кабулов олиб боришди. Ўзларини "Гумдон” гуруҳи деб эълон қилган бошловчилар кўтарган ўзбек футболи мавзуси Манзуранинг концертига бироз мос эмасдек туюлди. Лекин, уларнинг чиқишлари давомида қарсакларнинг кети узилмади. Comedy.uz резидентларининг чиқишлари ҳам зални жонлантирди.
P/S.: Концерт чипталари 10 минг сўмдан 70 минг сўмгача бўлди. Томошабинларнинг асосий қисмини эса 16 ёшдан 35 ёшгача бўлганлар ташкил этди.
Концертнинг бошидан охирига қадар Манзура фонограммада куйлади. Ваҳоланки унинг овоз имкониятлари жонли ижрога бемалол етар эди. Устига-устак концерт бирорта ҳам чолғучи кўринмади. Бундан ташқари 8 кишидан иборат рақс гуруҳи ҳам "Истиқлол” саҳнаси учун камлик қилгандек.
Manba: Zamonaviy.CoM -Saytdan olindi.
Ushbu ma'lumot http://darakchi.uz/ dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|