 Уни сақич, спрей ёки ялпизли конфетлар билан узоқ яшириб юриш мушкул. Шунингдек, уй шароитидаги чоралар ҳам вақтинчалик. Кўнгилсизликлардан бутунлай халос бўлиш учун, албатта, шифокорга мурожаат қилиш лозим. демак, саҳифа мутахассиси отолоренголог шифокор Мирсултон Ёқубов.
ҳид борим ўзи?
Оғиздан нохуш хид келиши ҳар кимда ҳам учраши мумкин бўлган ҳолат. У тиббиётда галитоз деб юритилади. Аммо инсон ўзи бу хидни сезиши жуда мушкул. Атрофдагилар эса муаммодан огоҳлантириш ўрнига ўзлари четлашадилар. Шу сабабдан оғиздан қандай хид келаётганини мустақил аниқлаш усулларини билиб қўйиш зарар қилмайди. Демак, ёқимсиз хидни аниқлаш учун оддий салфеткага оғиздан нафас чиқариб, сўнг хидлаш кифоя. Ёки кафтнинг юқори қисмига тилни текказиб 30 сониядан сўнг муаммойингиз бор йўқлигини аниқласангиз бўлади.
Оғиз бўшлиғи гигиенасига риоя қилинг!
Галитознинг асосий сабабларидан бири – оғиз бўшиғи хасталикларидир. Нохуш хид асосан кариес, пародонтит, гингивит, стоматит каби хасталиклар туфайли ҳам юзага келиши мумкин. Айниқса, таом тановул қилиш маҳалида тишнинг четларида қолган егулик қолдиқлари вазиятни янада оғирлаштиради. Агар таомдан сўнг оғиз чайиб ташланмаса, шу қолдиқлар бактериялар тасирида кристаллашиб, тишда тошлар пайдо бўлишига олиб келади. Бу эса ўз навбатида милкнинг яллиғланиши ва галитозга сабаб бўлади.
Оғиз қуришига йўл қўйманг
Кўпчилигимиз оғиздаги ёқимсиз хидни ошқозон билан боғлашга уринамиз. Аммо бу хасталик камдан кам ҳоллардагина ошқозонга алоқадор бўлиши мумкин. Аслида, оддийгина организмга суюқлик етишмаслиги оқибатида ҳам оғиз бўшлиғи қуриб, сўлак ишлаб чиқарилиши камаяди. Натижада, бактериялар кўпайиб, нохуш хидни келтириб чиқаради. Демак, кўпроқ суюқлик ичиб, тоза ҳаводан нафас олишга ҳаракат қилишимиз лозим.
Сабабини қизилўнгачдан изланг
Егуликлар қизилўнгач деб аталувчи найча орқали ошқозонга ўтади. Баъзан мана шу найчада чўнтакка ўхшаш бўшлиқ пайдо бўлади. Тиббиёт тилида эса у дивиркул деб аталади. Баъзида мана шу дивиркулда киши тановул қилган егуликларининг бир қисми сақланиб қолиши оқибатида оғиздан чириган махсулотлар иси анқий бошлайди. Хасталикка дучор бўлган кишиларни кўпинча кечки таомдан кейин кекириш, еган овқатининг оғизга қайтиши каби ҳолатлар безовта қилади. Нохушликни бартараф этиш учун отолоринголог шифокорга мурожаат этиш талаб этилади.
Оқсилга бой парҳездан эҳтиёт бўлинг!
Оғиздан ацетон ёки чириган меваларнинг нохуш иси келиши қандли диабетнинг аломатларидан саналади. Бундан ташқари турли оқсилга бой парҳезлар ҳам ушбу нохуш исга сабаб бўлиши мумкин. Яъни организмга етарли миқдорда углевод тушмаса, ҳужайралар энергия ишлаб чиқариш учун ёғларни ишга солади. Ёғларнинг парчаланиши оқибатида эса кетон таначалари вужудга келади ва айнан шу таначалар оғиздан ацетон ёки чириган меваларнинг нохуш иси келишига сабаб бўлади. Кетон ва ацетон таначаларининг қонга тушиши эса аянчли оқибатларга олиб келиши мумкин. Бундай ҳолларда биринчи навбатда эндокринолог шифокорга мурожаат этиш ва қанд миқдорини текшириш талаб этилади.
Саодат тайёрлади.
Manba: Zamonaviy.CoM -Saytdan olindi.
Ushbu ma'lumot http://sugdiyona.uz/ dan olindi!
< ! > DO'STLARINGIZGA YUBORING:
Quyidagi yangiliklarni o'qing dod devorasiz:
| 
