Остона Ички ишлар департаменти аёл кишининг жасадини хўжалик сумкасига жойлаштирган ва уни бозор ҳудудида қолдирган эркак қўлга олингани ҳақида хабар берди, деб ёзмоқда Bnews.
13 сентябрь куни Остонадаги «Шанхай» бозори ҳудудида ичида аёл кишининг жасади бўлган сумка топилгани ҳақида маълумот пайдо бўлди. Шу куни полициячилар аёлнинг шахсини аниқлашди. У Ўзбекистон Республикасининг 26 ёшли фуқароси бўлиб чиқди.
«Белгиланган суд-тиббий экспертизаси аёлнинг ўлими организм интоксикацияси, ички органлар сили туфайли юз берганини кўрсатди. Тезкор-қидирув тадбирларини амалга ошириш чоғида полициячилар 30 ёшли эркакни қўлга олишди», - дея хабар беришган Остона Ички ишлар департаментидан.
Полициячилар сўзларига кўра, полицияга олиб келинган эркак сўроқ чоғида сўнгги уч йил давомида вафот этган аёл билан бирга яшагани, 2 ёшли ўғли борлигини билдирган. Аёл ётоқхонадаги ижара хонада касалликдан вафот этган.
Шунингдек, эркакнинг аниқлик киритишича, моддий қийинчиликларга эга бўлган ва аёлни дафн этишга имкони етмаган, боз устига, вафот этган аёл бошқа давлат фуқароси эканлигини билиб, хўжалик сумкасини «Шанхай» бозори ҳудудида қолдириб кетган. Шундан сўнг у яширинган ва ўша куниёқ шаҳардан чиқиб кетган.
«Остона полициячилари томонидан эркак Туркистон вилояти ҳудудида ушланди. Вафот этган аёлнинг фарзанди қаерда экани ҳам аниқланди. У танишларининг олдида бўлган», - дея қўшимча қилиб ўтишган Остона ИИДдан.
Manba: Zamonaviy.CoM -Saytdan olindi.
Ushbu ma'lumot kun.uz dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|