Бу воқеа 2019 йил 28 феврал — 1 март оралиғида содир бўлган. Масалани дастлабки маълумотлардан бошлайдиган бўлсак, шу кунлар оралиғида Самарқанд шаҳридаги перинатал марказида бирдан беш нафар чақалоқ турли сабабларга кўра ўлим топди. Қарангки, 28 феврал куни 21 ёшли Гулжаҳон Каримованинг қўлига ўлик туғилган ёки туғилгач ўлим топган беш чақалоқнинг бирини тутқазишган. Чақалоқ ўғил бола экан. Аммо Гулжаҳоннинг кўзи ёригач, ҳужжатларга қиз фарзанд дунёга келганини ёзишганди. Врачлар эса бу аёлнинг қўлига ўғил боланинг мурдасини тутқазишган-у, терс ўгирилишган.
Шубҳасиз, Гулжаҳон шок ҳолатига тушиб қолган. Айтишларича, ҳали ҳануз ўзига кела олмаяпти экан.
Онаси Гуландом Каримованинг гапига қараганда, боланинг мурдасини ювишаётганда, у ўғил болалигини пайқаб қолишган ва дарҳол дафн маросимини қолдириб, туғруқхонага чопишган.
— Гулжаҳон қиз фарзанд кўрганини айтгандинглар, — дейишган врачларга. — Ҳужжатларга ҳам шундай ёзгансизлар. Бизга эса ўғил боланинг мурдасини берибсиз…
— Хўш, нима бўпти? — дағдаға билан жавоб қайтаришган врачлар. — Шуям муаммоми энди. Ҳозир ёзувни ўзгартирамиз, вассалом!..
Гулжаҳоннинг яқинлари мурдани ДНК таҳлилидан ўтказишди. Шубҳалар тўғри чиқди. Бу чақалоқ буткул бошқа одамларнинг боласи экан. Шундай бўлса-да, чақалоқнинг жасадини ирим-сиримлардан чекинмаган ҳолда дафн этишди.
— Врачлар бизнинг боламизни билиб-кўриб туриб алмаштиришган, — деди Гуландом опа. — Менинг қўрққаним, бизга ўғил бола мурдасини берган ўша дўхтирлар, боланинг онасига қизимизнинг жасадини тутқазишган бўлса, нима бўлади? Улар ҳам худди менинг қизим каби даҳшатга тушмайдими?.. Биз қизалоғимизнинг қабрини қай манзилдан излайлик? У тирик бўлса-чи? Яшшамагур врачлар кимгадир уни сотган бўлса-чи? Менинг қизим тирик мурдага айланиб бўлди-ку! Нега? Қайси гуноҳи учун врачлар уни жазолашди ўзи? Нима қасдлари бор эди Гулжаҳонимда?..
Самарқанддаги туғруқхонада содир бўлган фожиага қоришиқ бу воқеани республика бош прокуратурасидагилар ҳам расман тасдиқлашди. Ушбу факт юзасидан Ўзбекистон жиноят мажмуасининг 124- моддасига асосан жиноий иш қўзғатилган.
Manba: Zamonaviy.CoM -Saytdan olindi.
Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|