Йигит кишига қирқ ҳунар ҳам оз, дейишади. Албатта, бу ҳунарлар ҳалол, қонун талабларидан чиқмаган ҳолда ҳунар эгаси ва жамиятга фойда келтирса. Лекин баъзи йигитлар борки, ғурурини, ор-номусини пулга сотиб, қинғир йўллар орқали кун кечириш пайида бўлишади. Бундай кимсаларни ҳеч қачон оқлаб бўлмайди.
Мирзаобод тумани, Ойдин маҳалласида истиқомат қилувчи Ю.А. 2020 йил июнь ойида Сайхунобод туманида истиқомат қилувчи С.Д.га "Сенга уйланаман”, деб ишончига кирган ва яқин алоқа (ишқий муносабат) ўрнатган.
Шундан сўнг, Ю.А. доимий равишда кундалик харжлари учун С.Д.дан моддий маблағ олиб келган. Бу ҳам етмагандек, 2020 йил ноябрь ойида Ю.А. С.Д.дан катта миқдорда пул бермаса, ишқий муносабатда тушган фотосуратларини интернет тармоқларида тарқатишини айтиб, қўрқитган ва унинг баҳоси 200 АҚШ доллар бўлган тилла тақинчоқларини олиб кетган.
Энди "ошиғим олчи”, деб, ўзини қайнар хумча топгандек ҳисоблаган Ю.А. жорий йилнинг февраль ойида С.Д.ни юқоридаги важ билан қўрқитиб, 4 млн. сўм талаб қилган.
Жорий йилнинг 12 февраль куни ДХХ Сирдарё вилояти бўйича бошқармаси ҳамда Сирдарё вилояти ИИБ, шу жумладан, Транспортда ХТБ томонидан ўтказилган тезкор тадбир жараёнида Ю.А. 4 млн. сўмни С.Д.дан товламачилик йўл билан олаётган вақтида, яъни, жиноят устида қўлга олинди ва процессуал равишда расмийлаштирилди.
Ҳозирда Сирдарё вилояти ИИБ Транспортда ХТБ томонидан Ю.А.га нисбатан ЖКнинг тегишли моддалари билан жиноят иши қўзғатиш режалаштирилмоқда.
Sharof Muqimov - Jonam turo
