Бўлди, у сиз менга ҳаёт йўқ деб ўйлаяпсизми? Аслида барчасини унутиш ва ўзингизга келишингиз учун сиз ўйлагандан ҳам камроқ вақт кетади. Ишонмайсизми, унда ушбу рукн айнан сиз учун!
Биз, ойлаб ёки йиллаб учрашиб, севишиб юрган инсонимиз билан ажралишларга бардош беролмаймиз. Хайр деймиз-у, лекин узоқ вақт қийналиб юрамиз. Вақт даво деганлари ростми? Биласизми, ҳақиқатдан ҳам севганимиз билан ажралишдан кейин 3 ой ўтиб, анча ўзимизга келар эканмиз.
Баъзилар, севгилиси билан ўтказган вақтчалик муддат ўтсагина унутаман деб ўйласа. Қолганлари эса, бир умрлик азоб деб ўйлашади. Аслида эса, 3 ойлик муддатдан кейин кўпчилик, ажрашишлардан хулоса чиқариб, яхши томонга ўзгарар экан.
Journal of Positive Psychology, 155 кишидан иборат ёшлар билан суҳбат ўтказди. Уларнинг барчалари 11 ой олдин севишганлари билан ажралишган эдилар. Уларнинг кўпчилиги(71%) ижобий жавоблар беришди. "Мен ўзим ҳаққимда кўп нарсани билиб олдим”, "Мукаммал инсон сифатида шаклландим”, "Етарлича ўзини қўлга ола биладиган ва ўзимга ишонадиган бўлдим”.
Албатта 3 ой кам фурсат, балким юрагингиз тинчиши учун сизга кўпроқ вақт керак бўлиши мумкиндир. Кимдир учун камроқ вақт керакдир. Лекин баъзилар, ажралишни, кўпроқ хоҳлаган одамларга бу айрилиқ осонроқ кечади, деб ишонадилар. Чунки улар ўзларини шунга руҳан тайёрлайдилар. Аслида шундаймикан? Йўқ! Хоҳ ажралишни сиз, ёки сизнинг жуфтингиз таклиф қилган бўлмасин, иккала томон ҳам азобдан қутулиши учун камида 3ой керак.
Айрилиқ, сиз ўйлагандан кўра ижобий натижалар ёки келажак учун муҳим ўзгаришларни олиб келиши мумкин. Асосийси инсон, ўз ҳиссиётларини жиловлай билиши ва кўникишларни, қайсидир маънода унута олиши керак. Ҳақиқатдан ҳам, "Бизни ўлдира олмайдиган нарсалар, бизни кучли бўлишимизга ёрдам беради”.
Изланишлар шуни кўрсатдики, оғир айрилиқдан сўнг биз қаттиқ азоб чекамиз. Ва бу азоблар, жисмоний оғриқ пайдо бўладиган нуқталаримизни қамраб олади. Аспириндек дорининг бундай пайтда ёрдам бериши бежиз эмас.
Авваламбор, севган инсонингиз билан умрингизнинг охиригача яшаш насиб этсин деб қолардик. Айрилиш нималигини билманг ва севгилингиз билан бутун умрингиз ажойиб ўтсин деб қолувчи, Сизнинг Zamonaviy.comингиз! бизни танлаганингиз учун раҳмат!
Муаллиф: Зарнигор Ҳаятова