Эркак билан аёл ўртасидаги пардалар кўтарилиб кетди-да...
Бугун бир бўйи етган қиз – турмушга чиққандир-чиқмагандир – бир нарса сўради, аммо гапига умуман тушунмадим. Шунинг учун юзимни терс буриб ўтиб кетавердим. Балки унинг нима деганини сизлар тушунтириб берарсизлар, дўстлар?
"Туалет қаерда, билмайсизми?” деб сўради! Гапга ҳам, эгасига ҳам умуман тушунмадим?! Тушунганим шу бўлдики, чиройи бор экан-у, Худойим шармдан, фаросатдан қисган экан!
Одам қаҳат чўлдамас эдим, қадам етмас ўрмонда эмасдим, балки мижоз сони бўйича бозордан кейинги ўринда турадиган касалхонадай жойда эдим. Ўша ерда ойдай бир ожиза мендан ҳожатхонанинг қаердалигини сўраб турибди-я. Нима дейишни билмай довдираб, "мандараж" бўлиб қолдим. Бир нарса дейишга бетим чидамай, ерга қараб бошимни силкитдим-у, ўтиб кетавердим.
Ёқа кетди – индамадик. Енг кетди – юзни буриб ўтдик. Енгга қўшилиб, елкадан ҳам бир парча кетди – кўзни юмиб, ерга қарадик. Кейин этак кетди лахта-лахта бўлиб, ўрнига майка-футболка келди –замонавийликка, маданиятга йўйдик, шу билан ўзимизни овутдик... Шунча нарса кетганидан кейин бет кетмасинми? Бет-кетди – битта эт бўлиб қолди.
Manba: Zamonaviy.CoM -Saytdan olindi.
Ushbu ma'lumot zamin.uz dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|