Таиланднинг Бурирам провинциясида яшаётган одам ўз уйида икки бошли мутант бузоқ туғилгандан кейин лотереяни ютиб олди. Бу ҳақда Даилй Стар хабар бермоқда.
Бузоқ унинг икки боши орасига ёпишиб олган икки репродуктив органлар тўплами ва қўшимча қулоқ билан туғилган. Жиддий деформациялар туфайли янги туғилган бузоқ нафас олишда қийинчиликларга дуч келди ва овқатланиш учун жуда заиф эди.
66 ёшли фермер Соморн Красесом уни ветеринарга олиб борган, лекин ҳайвон туғилгандан ярим соат ўтгач вафот этган эди.
«Мен тушимда уни неварам сингари бағримга босдим. Бола менга фаровонлик келтириши керак эди. Ғайриоддий ҳайвон осмондан совға дея қарор қабул қилган эдим», – деди Кразес. Натижада, белги рўёбга чиқди, таиландлик лотереяда 20 минг бат (49,4 минг рубль) ютиб олганлиги ҳақида хабар берди.
Фермер бузоқнинг жасадини сақлаб қолишни ва уй ёнига зиёратгоҳ ўрнатишни режалаштирмоқда. Маҳаллий аҳоли ўлган ҳайвонга таъзим қилиш учун Кразесга келишмоқчи эканликларини билдиришди.
Маълумот ўрнида, аввалроқ, Индонезиянинг Шарқий Ява провинциясида икки тумшуғ билан туғилган мутант бузоқ омад рамзига айлангани ҳақида хабар берилган эди. Шу сабаб, маҳаллий аҳоли ғайриоддий бузоқ уларга омад келтиришига ишонмоқда.