Ҳар бир одам эрта тонгдан бирор нарсани одат тусига киритган бўлади. Агар бу одат бузиладиган бўлса, унинг арзирли сабаби бўлади. Масалан, ишга кеч қолаётган бўлсангиз ёки яқин одамингизнинг бирор муаммосини ҳал қилишингиз керак бўлса кун тартибингиз издан чиқади. Аммо шундай одатлар ҳам борки, улардан вақтида қутулганингиз маъқул.
Қуйидаги одатларни тонгда бажаришдан воз кечганингиз маъқул:
1. Уйғоткични ўзгартириш
Уйғоткич жиринглагандан кейин яна беш дақиқа ухлашни истаб, уни яна 10 дақиқадан кейин жиринглашга қўйиш одатидан воз кечинг. Чунки ўн дақиқида барибир тўйиб ухлай олмайсиз, аксинча уйғонишингиз қийин бўлиб, куни билан чарчоқни ҳис этасиз.
2. Жисмоний машғулотларни кейинга қолдириш
Кўпчилик одамлар соғлом бўлиш учун жисмоний машғулотлар билан шуғулланишади, спорт машғулотларига қатнашади, ҳеч бўлмаганда уйда гимнастика машқларини бажаришади. Баъзида эрталаб жисмоний машқ қилишдан эриниб, уни тушдан кейинга қолдирасиз. Ҳеч қачон дангасалик қилманг, кун охирида чарчаб қолганингиздан жисмоний машқларни кўнгилдагидай бажара олмайсиз, уни яхшиси эрталаб, уйқудан уйғонганда бажарганингиз маъқул.
3. Углеводларга бой нонушта
Негадир ҳамма нонушта учун сули ёрмаси фойдали, деб ҳисоблайди. Аммо уни истеъмол қилгандан кейин кўп ўтмай, очлик ҳиссини сезасиз, калорияли, кучлироқ овқат ейишни истаб қоласиз. Чунки сули ёрмали бўтқалар тезда ҳазм бўлади. Яхшиси, эрталабки нонуштага қовурилган гўшт ёки тухум, йогурт, творог истеъмол қилинг. Бу таомлар кун давомида сизни тўқ тутади.
4. Нонуштадан кейин тиш тозалаш
Кўпчилик нонушта қилиб бўлгач, тиш тозалашни афзал кўради. Мантиқан фикрланса, тиш овқат ейилгандан кейин тозаланиши керак. Аммо бу нотўғри. Овқатланиш вақтида тиш эмал қаватини юмшатувчи кислота вужудга келади. Шунинг учун овқатланиб бўлгандан кейин тишни дарҳол ювиш тавсия этилмайди, бунда тишнинг эмал қавати зарарланиши мумкин. Яхшиси уни уйқудан уйғонган заҳоти тозалаш зарур.
5. Уйғонган заҳоти почта ва хабарларни текшириш
Бу одат эрталабдан қаттиқ ҳаяжонга тушишингизга сабаб бўлади. Ҳали яхши уйғонмай туриб, хабарларга тўлақонли жавоб ёзишга тайёр бўлмайсиз, буни яхшиси нонуштадан кейинга қолдирганингиз маъқул.
6. Қайноқ душ
Эрталабдан қайноқ душ қабул қилиш организмнинг уйғонишига халал беради, уни баттар бўшаштириб юборади. Яхшиси, уйқуни очиш, қон айланишини яхшилаш, тетик бўлиш учун совуқ душ қабул қилиш керак.
Кун давомида сизга яхши кайфият бағишловчи бирор одат ўйлаб топишни унутманг. Ёлғиз қолиб, мусиқа тинглаш, ойнадан ташқарини томоша қилиб, нонушта қилиш сизга бир олам қувонч бағишлаши мумкин. Шошилаётган бўлсангиз ҳам ўзингиз учун бирор дақиқа вақт ажратинг.
Manba: Zamonaviy.CoM -Saytdan olindi.
Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|