Зарур масаллиқлар: хамирига: 400 гр. ун, 200 мл. томат шарбати, 100 мл. ўсимлик ёғи, ярим чой қошиқ хамирюмшатгич, туз; қиймасига: 150 граммдан қўй ва мол гўшти қиймаси, 250 гр. қовоқ, 2 бош пиёз, 1 дона картошка, ярим чой қошиқ зира, туз.
Тайёрланиши: 1. Қовоқ, картошка ва пиёзни майдалаб тўртбурчак шаклда тўғранг. Гўшт қиймаси билан аралаштириб, туз ва зира сепинг.
2. Томат шарбати, ўсимлик ёғи, тузни аралаштириб, ун ва хамирюмшатгични қўшинг. Юмшоқ хамир қориб, целлофанга ўранг-да, то қийма тайёрлангунча музлаткичга қўйинг.
3. Хамирни тенг икки қисмга бўлиб, қолипингизга мўлжаллаб ёйинг. Пишириқ қоғози солинган қолипга биринчи бўлак хамирни жойлаб, устидан қиймани солинг.
4. Иккинчи хамирни юпқароқ ёйиб, пирог юзини ёпинг. Четларидаги ортиқча хамир бўлакларини олинг-да, тугиб чиқинг. Қолган хамир билан пирог юзини безатинг. 180-190 даражада қиздирилган газ печига 45 дақиқага қўйинг. Пишгач, юзига сув сепиб, сочиқ ёпиб, 15 дақиқа тин олдиринг. Кейин бўлакларга бўлиб дастурхонга тортиш мумкин.
5 кишилик
1 соату 30 дақиқа
Manba: Zamonaviy.CoM -Saytdan olindi.
Ushbu ma'lumot darakchi.uz dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|