"Ўғри бўл, ғар бўл лекин, инсоф билан бўл!” дейди халқимиз. Афсуски ўғри ва ғардан бешбаттар тарздаги хулқини намоёнлаётганларни кўриб улар олдида олдидаги ўғри хам фохиша хам фариштадек кўриниб қоляпти.
Тақдим қилинаётган видео телеграм оламида машхурликка айланмоқда. Андижонда бўлиб ўтган дея тахмин қилинаётган бу воқеа видеодан билинишича "Чарос” кийимлар дўконида бўлиб ўтган.
Бир қизни ўғирликда гумонланиб ушлаб олган дўкон ишчилари уни харқанча Худони зорини қилиб "Билмабман, кечиринг, тўлайман” деб йиғламасин милицияни чақириб қўлига кишан солиб бериб юборишган. Видеони охиригача кўрган инсонда шу дўкон ишчиларидан то уни олиб кетгани келган ходимларга нафрат уйғониши табиий. Ўша кишандан қўли оғриб йиғлашию бетини беркитиб уялишигача адекват инсонда унга нисбатан РАХМ хиссини туғдиради.
Аёл хомиладор экан ва кўринишидан туппа-тузукка ўхшайди, кийимлари хам, қўлларида узуклари хам бор, гаплари хам .
Дўкон ишчиларидан бири уни "ж**б” дея хақоротлаб кимдир қўнғироқ қилганини эри эмас жазмани дея хукм чиқариб қўймоқда. "Унақа деманг опа илтимос, Худодан қўрқинг опа” деб ялиниб ётибди шўрлик. Фохишаларга учрамабдида бу дўкондагилар, айбдор бўлса хам ундайлар бунақа хақороти учун дўконни тумтарақайини чиқариб дўкондагиларни сочини юлган бўлармиди. "Сендақаларни юзта милиция билан ўйнашганини кўрганман кўзим билан” дея шанғиллайди дўкондаги аёл...тавба қаерда кўргансиз кўзингиз билан?-дейдиган одам йўқ. Хулқингиздан, шанғиллашингизу ва ўз кўзларингиз билан кўрган нарсаларингиздан яхши хулоса чиқарса бўларкан а? Дўкон битиб қолибдида...ха энди.
Ходимлардан (адашмасам) бирига халиги ўғирликда гумонланаётган қиз телефонимни беринг дея ялинса жавобига "Долженманми?” дея қўрс жавоб беряпти...тавба на ўрнида ишлатилган гап ва на таржимада мантиққа хос. Қонун бўйича айни дамда у хали гумонланувчи холатида, хаттоки айбланувчи хам эмас. Шундай бўлган тақдирдаям ўғри деб уни шахсий мулкини (далилий ашё бўлмаган ва воқеага алоқадор бўлмаган нарсани) истаганича титиш ва бермасликка хаққи борми деган савол туғилади.
Ана энди оддий бир нарсани қарангда... Шахсий фикрларим бўлақолсину аммо элементар тарзда агар шу қиз дўкон ишчиси айтганидек фохиша бўлса ўзини қандай тутган бўларди? Фохиша ва ўғриларда бет бўлармиди? Шунақа бўлганида у барибир вазиятдан чиқиб кетган бўларди, айёрлик билан мингта нарсани тўқиб ташлаб шу қўлидаги узукларни хам ечиб берган бўлармиди дейман. Кечирим сўраб турган одамни қандай қилиб муттахам дейишяпти тушунмайман. Хорижликларнинг зўр бахонаси бўлган бу вазиятдаги "клептомания” касаллиги бизни суд практикасида қай тарзда қўлланишидан бехабарман, зеро бу сохадаги тажрибамда бундай бахолаб озод этилганини кўрмаганман. Бу қизга рахмим келиб шу қадар ёнини олишгача бормаяпману
ЛЕКИН!
У мана шу хомиладорлик ёки бошқа бир хаёл билан ёдидан чиққан бўлиши мумкинку? Уялганидан гапира олмай фақат илтимослаб тургандир? Шокда тушунмаётгандир, шунчаки ўзингиз бир қаранг уни ўзини тутишини.
Дўкондаги аёл у қизга "Хожи акаси” дегани қўнғироқ қилганни танимайман деб қўйиб қўйганини жазманига йўяр аммо балки бу оддий УЯТДИР! Яъни ўша қўнғироқ қилган одам олдида бу холатдан хабардор бўлишини истамаганидан танимасликка олгандир, бу оддий нарсаку. Эрини сўраб ва эри йўққа чиқариб қўйиш нимаси?...балки уялаётгандир? Бунақа вазиятга тушган одам минг хақ бўлса хам хечким билишини истамайдику. Агар фохиша даражасидаги одам бўлса шартта мингта танишига қўнғироқ қилган бўлармиди, айнан жазманини чақирган бўлармиди.
Ахир оилалик бўлмаган ва жазмани бор ва яна камига ўғри бўлган одамга хамма нарса барибирдек кечиб ўзини хам тутиши бошқача бўлади. Буни хеч бўлмаса келган ходимлар уни ўзини тутишидан фахмлаши керак эдику. Нахотки кунда кунора қанчадан қанча жиноятчилар ва хусусан ўша фохиша ва ўғриларни кўриб биладиган ходимлар бу қизни ўзини тутишига шу жойни ўзидаёқ бахо бера олмас даражадаги нопрофессионал ходимлар?
Бундай холатга тушган ва аслида ўғри бўлмаган холатларни қанчасини биламан. Яқиндагина сайтга бир кампирни ўғриликда айблашганида уни тоби қочиб ўлиб қолганидаги воқеани эсланг, вахоланки у аёл туппа тузук ўзига тўқ оиладан бўлиб, шунчаки ёдидан кўтарилгани ва пулни берса хам олмай милиция чақиришгани ёдингиздадир?
Нақадар вахшийлик! Ўзидан жабрланувчини расман ясайдиганларни аслида қанчадан қанчаси ўша айбдордан минг чандон ХУЛҚИ билан, вахшийлиги билан хам ва инсофсизлиги билан хам шу қадар пастлигини кўпини биламан ва билиб келмоқдаман хам.
Бугун мана шу видеодан таъсирланиб сайтга тайёрлаётганимда қўшним тушиб қолди ва яқиндагина бир консерва учун пул тўлаб, уйига келганида икки консервани кўриб қолгани ва қайтариб олиб борганини айтиб берди.
Хар қанақа вазият бўлиши мумкин аммо аниқ тагига етмагунча шунақа хақоротлаб, шанғиллаб, айблаб қўрс муносабатда бўлиш керакми?
Айбсизлик презумпцияси деган тушунча қайда қолди? Мен бу қизни (агарда ростан хам ўғрилик қилган бўлса хам) қилмиши учун ёнини олмаяпман, мен кўтараётган мавзу МУНОСАБАТ!
Шу дўкон ходимлари ва ўша ходимларга менинг шахсий нафратим! Шу қиз ўғри бўлса хам сенлардан кўра юзи бор экан, уяти бор экан. Оғзига келган хақоротни қилмаяпти, сенлардек шанғилламаяпти, алдамаяпти! Кечирим сўраяпти!
Бу қиз эса ким бўлишидан қатъий назар агар бу холат юзасидан ўғрилиги исботланиб хукм чиқарилган тақдирда хам (адашмасам 169 модда 1 қисми билан унақа қаттиқ жазо қўлланилмайди ва аёллиги , хомиладорлиги билан нари борса жаримага тортилар) унга мана шу холатда хам юзини йўқотмагани, алдамай ялиниб тургани учун хам хурматим баланд ва келгуси ишларида шунақанги ишлари юришиб кетсинки, бунақа дўконлардан мингтасини очишини тилайман!
Худо кўриб турибди, у дўкондагилар ва видеога олганларни бундан бешбаттар шармандалик билан тақдирни ўзи жазолаши хам мумкин.
Суд иши қандай якунланмасин, бу қизга мана шу видеони далилий ашё сифатида олиб хақорот ва қадр қимматни ерга уриш моддасига асосан дўкон ишчиларини устидан жиноят иши очиш учун прокуратурага ариза ёзишини маслахат бераман. Керак бўлса мана шу вазиятдаги маънавий зарарни белгилаб ундириб олиш учун фуқаролик судига хам берсин. Фуқаролик суди нима қарор чиқаради билмадиму аммо жиноят иши бўйича суд албатта бу видеодаги муносабат ва хақорот учун чора кўриши аниқ!
Manba: Zamonaviy.CoM -Saytdan olindi.
Ushbu ma'lumot dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|