"Вонғи", уйингга қанча лаънат олиб киряпсан?
Ёдингизда бўлса, шу йили кўчадаги "вонғи"лар (машинасини вонғиллатиб юқори тезликда бошқарадиган ёки пойга ўйнайдиганлар назарда тутилади) хақида ва унинг аянчли воқеаси билан мақола битгандим
Куни кеча йўлнинг юзида бўлган бир кафеда ўтирганимизда соат кечки 22:00лар чамаси катта йўлда машиналар аро мошинасини вонғиллатиб бир икки машина (пойга бўлса керак) "учиб" ўтиб кетди.
Ён веримизда ўтирганлардан бири сесканиб "Э падарингга лаънат сани" деган бўлса, сал нарироқда ўтирган бир киши эса "Э тегинга мошина оберган отени" дея бўралаб сўкди.
Қаранг... атиги чамаси 50 метрлик масофадан улар камида бир лаънат билан бир сўкиниш олган бўлса, уйига етиб боргунича қанча лаънат ва сўкишлар оларкин?
Бундайлар ўз уйига кирар чоғи остонадан "Бисмиллах"ни айтиб кирадими йўқми билмадиму аммо шу бугунги аниқ ўз кўзим билан кўриб, қулоқларим билан эшитганларимга асосланиб, улар уйларига елкасида лаънат ва сўкишлари билан киришларига амин бўлдим.
Замон зўрники эмас, кўряпмиз шундай деганларни синиб йўқ бўлиб кетаётганларини. Кўча хам зўрники эмас, боряпмиз шундайларни жанозасига...
Отасига лаънат нохақ дерсизу аммо ўз фарзандини бели оғриб пул топишига тарбия бермаган ота ниманиям оларди? Қип-қизил матога фарзандини ўраб кўмишдек ва ёки бировни боласини ногирон қилиб умри қарғиш олиш билан ўтишдек дахшатга фарзандини талтайтираётганида тайёр бўлармикан?
Хулоса ўзингиздан.
Хаммамизни уйимизга елкамизда бир дона бўлса хам рахмат сўзини олиб киришдек бахт насиб этиб турсин!
Manba: Zamonaviy.CoM -Saytdan olindi.
Ushbu ma'lumot sayyod.com dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|