Odamlarga hamisha yaxshilik qilish, ezgulik yo'lida harakat qilish Allohning bandalariga rahmatidir. Odamlarga zulm va xiyonat qilish, yovuzlik urug'ini sepish pushaymonu-uqubatlarga giriftor qiladi.
Abdulmajid Sanoiy aytadilar: Egrilik hosili qabohat erur, To'g'rilik hosili saodat erur.
Abulqosim Firdavsiy aytadilar: To'g'rilikdan kelmish hamma yaxshi ot, Egrilikdan foyda ko'rmadi hech bir zot.
Abu Bakr Varroq aytadilar: "Iymon ko'pincha qalbdan o'lim vaqtida sug'urib olinadi. Gunohlar ichida iymonni qalbdan eng tez sug'urib oluvchisi bandalarga yetkazilgan zulm ekan”. Iymon bilan o'lsa har bir musulmon, Iymon bo'lur uning dardiga darmon.
Bu dunyoda iymon bilan ketishlik insonning barcha dardu-alamlariga, g'amu-tashvishlariga darmon bo'lar ekan. Aksincha, bu dunyodan iymonsiz ketish esa eng katta baxtsizlik, xasratu-nadomatdir. Bu dunyoda insonlarga qilingan zulm agar mazlumni rozi qilinmagan bo'lsa, o'lim paytida iymonning sug'urib olinishiga sabab bo'lar ekan.
Savbon (r.a.) rivoyat qiladilar: Rasululloh (s.a.v.): "Kishining ruhi jasadidan ajragan vaqtda u uch narsadan kibr, xiyonat va qarzdan xoli bo'lsa jannatga kiradi” dedilar.
Hazrati Umar (r.a.)dan rivoyat qilinadi: "Haybar kuni bir necha sahobalar Rasululloh (s.a.v.) huzurlariga kelib, falonchi shahid bo'ldi, falonchi shahid bo'ldi deb yana bir kishini ismini aytib, falonchi ham shahid bo'ldi deyishgan edi. Rasululloh (s.a.v.) hargiz shahid emas, chunki bir chodirda g'animat mollardan ruxsatsiz yashirib olgan ekan, jahannamda ko'rdim” dedilar.
G'animat moldan ruxsatsiz yashirib olishlik, Rasululloh (s.a.v.) bilan hamsuhbat bo'lish va shahid bo'lishdek oliy maqomdan tushirib jannatdan mahrum bo'lishga sabab bo'ldi.
Abu Hurayra (r.a.)dan rivoyat qilinadi: Rasululloh (s.a.v.) sahobalarga: "Bilasizlarmi muflis kimdur? Sahobalar bizda muflis deb mablag'i, ro'zg'or buyumlari bo'lmagan kishiga aytiladi deyishdi. Rasululloh (s.a.v.) mening ummatimdan bo'lgan muflis shunday kishiki, qiyomat kuni namoz, ro'za, zakotlari bilan keladi, lekin uni so'kkan, bunga tuhmat qilgan va uning molini yegan va uning qonini to'kgan va buni urgan bo'lur. Keyin qilgan yaxshi amallar unga berilur, agar uning yaxshi amallari tamom bo'lsa, zimmada ado qilinmagan haq bo'lsa, u xolda haqdorlarning gunohlari buning zimmasiga yuklanib o'zi jahannamga tashlanur”dedilar.
Imom Muslim rivoyati. Alisher Navoiy aytadilar: Zolimki shior etdi jafo poyasina, O'z voyasin istab oldi el voyasini. Qaydin topg'ay hayot sarmoyasini, Haq ayladi qisqa umr soyasini. Jafo yetkazishni shior qilib olgan zolim o'z foydasini ko'zlab odamlar haqqiga xiyonat qiladi. Bunday kishi o'zoq yashamaydi – Haqning o'zi zolim umrining soyasini qisqa qiladi.
Sa'diy Sheroziy aytadilar: Ezilgan chumoliman oyoq ostida jim, Arimasman zaxrimdan nolimas hech kim. Birovlarga ozor bermoqqa yo'qdur kuchim, Shukrim qandoq izhor qilay bu ne'mat uchun. Odamlarga ozor bermaslik, beozorlik ham shukur qiladigan ne'mat ekan.
Toshkent shahar Shayxontoxur tumani "Obidxon Maxdum” masjidi imom-xatibi
Manba: Zamonaviy.CoM -Saytdan olindi.
Ushbu ma'lumot hordiq.uz dan olindi! < ! > DO'STLARINGIZGA YUBORING:
Quyidagi yangiliklarni o'qing dod devorasiz:
|